Apple ka ndaluar së shituri të gjitha produktet e saj në Rusi si pasojë e konfliktit me Ukrainën.
Kompania ka bërë të ditur nëpërmjet një deklarate se është “shumë e shqetësuar” për pushtimin rus dhe si përgjigje ka ndaluar të gjitha shitjet e produkteve në vend. Apple gjithashtu ka bërë me dije se do të limitojë dhe aksesin në shërbimet e saj digjitale të tilla si Apple Pay, brenda Rusisë dhe ka penguar aksesin ndaj aplikacioneve të mediave shtetërore ruse jashtë vendit.
“Javën e kaluar ne ndaluam të gjitha eksportet e shitjeve tona në vend. Apple Pay dhe shërbime të tjera janë limituar. RT News dhe Sputnik News nuk janë më të disponushme për t’u shkarkuar nga Apple Store jashtë Rusisë,” tha Apple. “Dhe kemi ndaluar trafikun dhe incidentet live në Apple Maps në Ukrainë si një masë sigurie për mbrojtjen e shtetasve ukrainas.”
Vendimi i Apple vjen si rrjedhojë e presionit publik me të cilin janë përballur kompanitë teknologjike për të vepruar kundër Rusisë. Qeveria ukrainase, javën e kaluar, i kërkoi Apple të ndalonte së ofruari shërbimet e saj në Rusi, por disa ekspertë të sigurisë dhe demokracisë thanë se kjo mund të dëmtonte shtetasit rus të cilët po e protestojnë Kremlinin dhe mbështeten mbi mekanizmat perëndimorë për tu organizuar.
Facebook, Youtube dhe Twitter kanë filluar të ndajnë përmbajtjet të shpërndara nga mediat ruse dhe kanë filluar të intensifikojnë presionin mbi zyrtarët evropianë për të vepruar kundër propagandës pro-ruse. Netflix gjithashtu tha se po mohon të transmetojë kanalet televizive shtetërore ruse.
Pas vendimit të Apple, Ministri ukrainas i Transformimit Digjital, Mykhailo Fedorov bëri një postim në Twitter duke thënë se CEO i Apple Tim Cook duhet “t’a mbarojë këtë punë” dhe shtyu kompaninë të “bllokonte” aksesimin e App Store në Rusi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
