Apple e prezanton veten si një kalorës i bardhë në temën e privatësisë, por kritikët thonë se ambiciet e saj reklamuese janë ndërtuar mbi praktikat anti-konkurruese.
Dy zhvillues kohët e fundit pohuan se Apple gjurmon çdo klikim të përdoruesve në App Store, pa asnjë mënyrë për ta ç’aktivizuar funksionin.
Një padi kolektive u ngrit më pas në Kaliforni, duke pretenduar se “premtimet e Apple në lidhje me privatësinë janë krejtësisht të rreme”.
Por, Apple e ka bërë mbrojtjen e privatësisë së përdoruesit në qendër të imazhit të saj dhe ka kundërshtuar prej kohësh reklamat në platformat e saj.
Kompania shkaktoi “furtunë” vitin e kaluar kur u dha përdoruesve fuqinë për të bllokuar lehtësisht aplikacionet nga mbledhja e të dhënave për to.
Ky veprim ishte një makth për shumë aplikacione — nga gjigantët si Facebook tek bizneset e vogla fillestare, të cilët i përdorin ato të dhëna për të shitur reklama të synuara.
CEO i Meta, Mark Zuckerberg tha javën e kaluar se qasja e Apple ishte një “konflikt interesi” pasi ishte krijuar për të minuar rivalët.
“Është problematike që një kompani të jetë në gjendje të kontrollojë se çfarë përvojash të aplikacioneve përfundojnë në një pajisje,” tha ai. “Shumica dërrmuese e fitimeve në ekosistemin celular shkojnë drejt Apple.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
