A jeni një sipërmarrës në fazën e hershme me një produkt ose shërbim inovativ që përdor teknologjinë? A po kërkoni mënyra për të nxitur biznesin tuaj dhe po kërkoni mundësi investimi për të financuar idenë tuaj fillestare? Kemi lajme për ju!
Programi Tech Boost është projektuar nga një prej akseleratorëve më të mirë të Evropës, Startup Wise Guys, së bashku me inkubatorin, akseleratorin dhe firmën këshilluese me bazë në Kanada, Spring Activator për t’u sjellë startup-eve nga Shqipëria dhe rajoni një grup edukativ të krijuar për të fuqizuar sipërmarrësit në fazat e hershme dhe për t’i ndihmuar ata të shkallëzohen.
Mundësuar nga Akademia e Sipërmarrjes EFSE dhe mbështetur nga BE-ja, e gjithë seria Tech Boost përbëhet nga fazat e para-akselerimit dhe akselerimit. Programi ofron një shans që një startup të hyjë në fazën e akselerimit dhe të fitojë një çmim prej 15,000 €. Por ky udhëtim nuk përfundon këtu!
Fillesat që do të zgjidhen për fazën e akselerimit kanë mundësinë t’u drejtohen investitorëve dhe të sigurojnë fonde shumë më të mëdha investimi për bizneset e tyre.
Dëshironi të dini më shumë rreth programit Tech Boost?
Dërgoni një email në [email protected]
Tech Boost Pre-acceleration është një program 10-javor i mundësuar nga Startup Wise Guys për të fuqizuar sipërmarrësit e teknologjisë në fazat e hershme me njohuri dhe përvojë për të çuar bizneset e tyre në nivelin tjetër. Deri më tani, 2 para-akseleratorë Tech Boost janë zbatuar me sukses në Ballkanin Perëndimor.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
