Projekti i ndërtimit të autostradës Thumanë-Kashar është anulluar. Ministrja e Infrastrukturës dhe Energjise, Belinda Balluku ka bërë t3ë ditur se është ndërprerë procedura e partneritetit Publik Privat për Aksin Thumanë – Kashar.
“Hapësirën e konsiderueshme fiskale të këtij projekti, qeveria do ta dedikojë në funksion të zbatimit të angazhimeve të Paktit për Universitetin, në fushën e infrastrukturës arsimore qoftë asaj fizike e qoftë asaj dixhitale”, tha ministrja në një konferencë për shtyp.
Ajo tha se nuk do të hiqet dorë nga ndërtimi i këtij aksi të rëndësishëm kombëtar, aq më tepër që projekti është gati. “Ky aks ka një rëndësi shumëfishe dhe ne jemi duke studiuar përfshirjen e tij: në projektin e zgjerimit të rrugës Tiranë – Durrës, ku bën pjesë edhe rindërtimi i rrugës Tiranë – Ndroq – Plepa në Fazën e parë si dhe ndërtimi i rrugës Kashar – Rrogozhinë në Fazën e dytë”.
Lexo: Nga 1 korriku 2019, më pak koncensione me ofertë të pakërkuar
Thumanë-Kashar është një prej projekteve më të mëdha që do të jepen në formën e partneritetit publik privat. Kompania shqiptare Gener 2 dha një ofertë të pakërkuar për ndërtimin dhe menaxhimin e rrugës. Me një vlerë rreth gati 226 milionë euro, kjo kompani rezultoi fituese. Krahas pjesës shumë të kontestuar të unazës së re, edhe kjo rrugë, është diskutuar shumë për koson e lartë të ndërtimit dhe mirëmbajtjes.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
