Këshilli i Investimeve ka nxjerrë disa vlerësime rreth ndikimit të pandemisë tek sipërmarrjet, ku rezulton se gati 90% e bizneseve janë prekur nga Covid. Nga anketimi I zhvilluar rreth 89% e kompanive konfirmojnë pasojat shumë negative në aktivitetin e tyre, ndërsa turizmi, industria dhe tregtia rezultojnë sektorët më të prekur.
Në ankëtë morën pjesë 427 kompani nga të gjitha qarqet e vendit.
Vrojtimi përfshin periudhën kohore Prill 2020 – Prill 2021. Më shumë japë prekur sipërmarrjet me xhiro vjetore deri në 5 milionë lekë si dhe ato nga 8 deri në 14 milionë lekë, ndërsa 65% e bizneseve të anketuara deklaruan ulje me më shumë se 20% të xhiros së tyre.
Kriza nuk ndikoi në rreth 8% të të anketuarve, ndërsa 1.9% e kompanive përjetuan një rritje me më shumë se 5%.
E ardhmja parashikohet me pezimizëm për disa sektorë edhe për këtë vit. Sipas anketës, 40% e bizneseve të pyetura presin rënie të të ardhurave në 2021, kryesisht sektorët e industrisë, ndërtimit si dhe shërbimeve.
Ndërsa më optimiste janë sipërmarrjet në fushat e tregtisë dhe turizmit. Ato presin një rritje të xhiros pas goditjes që morën një vit më parë, si rrjedhojë e sezonit turistik.
Më shumë se gjysma e kompanive të anketuara deklaruan se nga prilli i shkuar deri në prill 2021 kanë ndërprerë aktivitetin pjesërisht, ndërsa 15.2% e tyre u shprehën se e ndërprenë atë totalisht kjo veçanërisht në sektorin e turizmit.
Mungesa e klientëve, mungesa e likuiditet si dhe pamundësia për shlyerjen e detyrimeve tatimore renditen edhe si ndër problemet më të mëdha që po has biznesi këtë periudhë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
