American Airlines ka rënë dakord të blejë 20 avionë supersonikë. Kjo ndodh gati 20 vite nga fluturimi i fundit i një avioni supersonik nga Concorde. Avioni britaniko-francez nuk funksionoi për shkak të kostos së lartë për pasagjerët, por edhe për linjat ajrore.
Por, Blake Scholl, drejtuesi i lartë i firmës Boom, këmbëngul se avioni i kompanisë së tij do të jetë i ndryshëm kur të debutojë në vitin 2029. Biletat kushtojnë rreth 4,000 deri në 5,000 dollarë për të fluturuar nga Nju Jork deri në Londër, në rreth tre orë e gjysmë nga shtatë orë që realizohet tani ose nga San Francisko për në Tokio për rreth pesë orë e gjysmë, në vend të njëmbëdhjetë orëve.
Ky avion do të ketë një shpejtësi maksimale 1.7 herë më të madhe se shpejtësia dhe do të mbajë nga 65 deri në 80 pasagjerë. Lajtmotiv i kompanisë Boom ishte që nga fillimi qëndrueshmëria dhe mbrojtja e mjedisit dhe të gjithë avionët e saj do të fluturojnë ekskluzivisht me benzol-bio, i cili aktualisht është i pamjaftueshëm dhe shumë i shtrenjtë.
Muajin e kaluar, Boom njoftoi ndryshime në dizajnin e avionit për ta bërë atë më të thjeshtë dhe më pak të kushtueshëm për t’u ndërtuar dhe mirëmbajtur. Ndryshimi më i habitshëm ishte kalimi nga tre motorë, duke përfshirë një lloj tjetër në bisht, në katër motorë identikë nën krahët në formë delta.
Tregu i avionëve me katër motorë po tkurret pasi shumica dërrmuese e avionëve të pasagjerëve që fluturojnë sot kanë dy motorë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
