Telekom Albania është emri i ri i kompanisë lider të telekomunikacionit në Shqipëri. Kompania AMC e cila solli komunikimin e lëvizshëm në vendin tonë, pas 20 vitesh ndërron identitet por jo mision, shërbimet më të mira me çmime të ulëta.
AMC, kompania e cila solli për herë të parë komunikimin e lëvizshëm në Shqipëri, ndërron identitet, duke u kthyer në Telekom Albania.
Kompania lider e telekomunikacionit,
për të ofruar ashtu si në 27 vendet europiane, shërbime inovative me tarifa të ulëta, si edhe teknologjinë 4 G.
“Çaste që na lidhin”, është slogan i ri i kompanisë, sepse për Dimitris Blatsios, Drejtorin Ekzekutiv të Telekom Albania, telekomunikim do të thotë mbi të gjitha, ndarje eksperiencash
Dimitris Blatsios: “Sot kthejmë faqe, AMC kthehet në Telekom Albania, për ti ofruar kësaj kompanie gjigande një të ardhme të shkëlqyer. Vetëm fakti që Deutsche Telekom na beson markën tregon besimin dhe angazhimin tonë për të qëndruar gjatë në Shqipëri. Në 19 vite ne kemi investuar këtu 600 milion euro”, tha Blatsios.
Kryeministri, Edi Rama, e çmoi AMC dallëndyshen e parë në rrugën e progresit teknologjik të Shqipërisë dhe u shpreh i inkurajuar për praninë e Deutsche Telekom në vendin tonë.
Edi Rama: “Dua të besoj që ardhja e këtij operatori të madh europian është në të njëjtën kohë edhe një shenjë kuptimplotë e një tregu që është në rrugën e stabilizimit për nga rregullueshëmria dhe besueshmëria”.
Deutsche Telekom është një kompani lider në vite me 151 milion abonentë dhe vetëm në 2014, të ardhurat e saj financiare arritën në 62.7 miliard euro.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
