Ambra Amaretti, sipërmarrësja 60 vjeçare plot energji në Vlorë

Ambra Amaretti, sipërmarrësja 60 vjeçare plot energji në Vlorë


Pesë vite më parë as nuk e kishte idenë e Shqipërisë. Si mund të ishte ajo. Por, me të ardhur në Shqipëri vendosi të bënte biznes e të jetonte këtu, më saktë në Vlorë.

Ambra Amaretti, është një arkitekte-interior designe, por angazhimet e saj në Shqipëri nuk janë fokusuar në këtë drejtim. Do t’i duhej të njihte mirë shqipen që të komunikonte me klientët e saj. Ndaj zgjodhi të hapë një lokal, në mënyrën e saj. Një lokal që do të tërhiqte fillimisht komunitetin italian, më tej edhe nga shqiptarë.

Ne e gjejmë në administrimin e një lokali veror buzë detit në Radhimë. Dhe sigurisht, edhe aty ka tërhequr mbrapa komunitetin italian.

Pas 5 vitesh me lokalin në qytet, Ambra ka shkuar edhe më afër detit, me po të njëjtën filozofi shërbimi. Kekët dhe ëmbëlsirat e freskëta, siç i bëjnë gratë italiane në shtëpi. Kjo e dallon në lokalin e saj “Love Italy” dhe po ashtu në bufenë e mëngjesit të shërbyer tek lokali provizor në breg të detit.

Lexoni: Vado in Albania: Shqipëria përmes syve të italianëve

“Une vij nga Roma dhe kam jetuar në zonë bregdetare. Mënyra jonë e punës atje ishte e tillë,  çfarë do pune, apo profesioni të kishim, ishte praktike, që të kishim gjatë verës një lokal apo restorant në administrim buzë detit, ku punonim oraret e mbrëmjes. Kështu, në moshën 20 vjeçare, me miqtë, administroja një biznes. Çdo i punësuar duhej të dilte patjetër nga shkolla e hotelerisë e ishte i specializuar në shërbim. Me atë përvojë mësova shumë nga punonjësit e mi”. Sot jam në gjendje të shërbej siç duhet verën, jam ekspertë në njohjen e birrës mënyrës së ruajtjes së saj, etj”, thotë ajo.

Prej dy muaj e gjysëm, Ambra bën në bredet atë që prej 5 vitesh e ka bërë në qytetin e Vlorës. Zgjohet herët në mëngjës,  bën tortat dhe ëmbëlsirat. “roli im ishte të qenit mama italiane” thotë ajo ndërsa i referohet lokalit.

Lexoni: 5 Rregullat e të ushqyerit mirë

Për sa i përket bregdetit, e gjithë përvoja aktuale e saj duket një studim tregu. Kur e pyesim se çdo të  bëjë pjesën e mbetur të kësaj vere, apo verën tjetër ajo shprehet “Unë nuk u besoj gjërave që më thonë. Doja ta prekja realitetin me duart e mia. Planet e mia janë të punoj me një grup personash që kanë kulturën e turizmit, e vijnë nga vende të ndryshme”.

Ndërsa vlerëson pasuritë natyrore të Shqipërisë, Ambra nuk mohon faktin se të rinjtë të punësuar në turizëm vijojnë të jenë të paformuar, me interes të ulët.  Sipas saj, pjesa më e madhe e kamarierëve përgjatë vijës bregdetare nuk dinë gjuhë të huaj, ndërsa vëren se edhe menutë, në pothuajse 80 % të rasteve janë vetëm në shqip.

 

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
2
2