Në shitjen tradicionale me pakicë, nëse blini diçka dhe vendosni që nuk e dëshironi atë, thjesht mund ta ktheni përsëri në dyqan për një rimbursim ose një shkëmbim.
Por, rritja e tregtisë elektronike e ka kthyer përmbys këtë praktikë, duke rritur përqindjen e blerjeve që kthehen dhe si rrjedhim koston e tyre.
Nga blerjet prej 4 trilionë dollarë që bënë amerikanët në vitin 2020, u kthyen pak më shumë se 10%. Shkalla e kthimit në tregtinë elektronike ishte pothuajse dyfishi i saj, sipas hulumtimit nga Appriss Retail, një shërbim që ndihmon kompanitë të menaxhojnë kthimet.
Blerësit kanë një sërë arsyesh për të cilat nuk janë të bindur se do t’i mbajnë, duke nisur nga ngjyrat deri te materialet e përmasat e duhura.
Klientët që provojnë mallra të ndryshme në një dyqan kanë kosto të papërfillshme për një shitës me pakicë, por sigurimi i kësaj eksperience në shtëpi sjell disa shpenzime të rëndësishme.
Në fakt, kthimet e mallrave në tregtinë elektronike mund t’i kushtojnë një kompanie mesatarisht rreth 10 deri në 20 dollarë për artikull, tha CEO i një firme për Wall Street Journal. Tarifat e transportit zakonisht përbëjnë pjesën më të madhe (15% deri në 20%) të atij shpenzimi.
Për artikujt me kosto të ulët, kostoja e kthimit mund të shmangë vlerën te shitësi për kthimin e produktit, kështu që ata thjesht mund t’i thonë klientit ta mbajë ose dhurojë produktin. Në të vërtetë, disa marka të mëdha si Amazon, Walmart dhe Target kanë bërë pikërisht këtë.
Lexoni: Si lindi e-commerce? Historik i shkurtër mbi shitjet online…
“Kur kompanitë u thonë klientëve të mbajnë një produkt, kjo është mënyra më e shtrenjtë për të trajtuar kthimet,” tha për Insider Cathy Roberson, menaxhere e Shoqatën e Reverse Logistics.
Ndërsa tarifat e transportit dhe magazinimit rriten gjithnjë e më shumë, mund të mos ketë shumë zgjedhje në këtë moment, por Roberson tha se viti 2022 ka të ngjarë të sjellë një ndryshim për mënyrën se si shitësit me pakicë trajtojnë kthimet dhe rimbursimet.
Roberson tha gjithashtu se edhe disa produkte me vlerë më të lartë si ato elektronike ose veshjet mund të humbasin një pjesë të shkëlqimit të tyre financiar, kur duhet t’i nënshtrohen një procesi të quajtur “disponim”, që është inspektimi individual i një artikulli të kthyer për të përcaktuar nëse duhet rishitur, rinovuar ose ricikluar.
Sipas përllogaritjeve të kthimit të RLA-së, kostoja e kthimeve mund të zvogëlojë afërsisht 6% ulje të shitjeve totale, një numër që mund të shkaktojë dëme serioze në përfitueshmërinë e një kompanie.
Në llogaritjet e fundit të fitimeve, kompani si Target dhe Home Depot kanë theksuar rolin e rritjes së dyqaneve të tyre fizike në përmbushjen e porosive të tregtisë online dhe Roberson ra dakord që dyqanet fizike mund të fillojnë të luajnë një rol më të madh në trajtimin e kthimeve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
