Për vite me radhë, Amazon ka përdorur robotë për të ndihmuar në përmbushjen e porosive të klientëve. Por tani gjigandi i tregtisë elektronike po teston përdorimin e robotëve me pamje humanoide për të punuar në magazinat e tij.
Kompania aktualisht po eksperimenton me robotin, të quajtur Digit, në një site R&D në jug të Seattle, ku është selia e Amazon. Makineria vjen nga Agility Robotics, e cila zhvilloi Digits të jetë një bot me dy këmbë që mund të marrë objekte si një njeri.
Lexo edhe:Familja Destani mbërrin në Nasdaq me sipërmarrjen e saj Next.e.GO Mobile
“Digit mund të lëvizë, të kuptojë dhe të trajtojë artikujt në hapësirat dhe qoshet e depove në mënyra të reja,” thotë Amazon. “Madhësia dhe forma e tij janë të përshtatshme për ndërtesat që janë të dizajnuara për njerëzit.”
Digit mund të shkaktojë shqetësime se Amazon do të zëvendësojë punonjësit e magazinës me makineri apo robotë. Amazon është duke vlerësuar faktin se do të “shterojë ofertën e disponueshme të punës në rrjetin amerikan deri në vitin 2024”.
Sidoqoftë, gjigandi i tregtisë elektronike thotë se Digit do të “bashkëpunojë” me punonjësit njerëzorë të Amazon. “Përdorimi ynë fillestar për këtë teknologji do të jetë të ndihmojmë punonjësit me riciklimin e mallrave (kontejnerëve), një proces shumë i përsëritur i marrjes dhe lëvizjes së bagazheve bosh pasi të jetë zgjedhur plotësisht inventari prej tyre,” thotë kompania.
Gjigandi i tregtisë elektronike theksoi gjithashtu se përdorimi i robotëve për të mbështetur punonjësit njerëzorë ka qenë thelbësore për mënyrën se si Amazon vendos automatizimin. Kompania ka “mbi 750,000 robotë që punojnë në bashkëpunim me punonjësit tanë, duke marrë përsipër detyra shumë të përsëritura dhe duke i liruar punonjësit për të ofruar më mirë për klientët tanë”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
