Amazon akuzohet se ka mashtruar klientët e Prime -

Amazon akuzohet se ka mashtruar klientët e Prime

~4 minuta lexim

SHBA-ja ka akuzuar Amazon për mashtrimin e klientëve për nënshkrimin e abonimeve automatike të Prime dhe vështirësimin e anullimit të tyre. Komisioni Federal i Tregtisë (FTC), mbikëqyrësi i të drejtave të konsumatorëve në SHBA, ka bërë pretendimet në një gjykim. Ai ka përmendur dizajnet e dyshimta faqeve të internetit.

Amazon ka hedhur poshtë akuzat, duke i quajtur ato të rreme. Më shumë se 200 milionë persona pajisen me Prime në nivel global. Shërbimi, që ofron avantazhe të dërgesave, qasje në transmetimin e filmave dhe më shumë, kushton 139 dollarë në vit ose 14.99 dollarë në muaj në SHBA dhe 95 paund në vit në Mbretërinë e Bashkuar.

FTC tha se Amazon ka përdorur dizajne faqesh të internetit që shtyjnë klientët të pajisen me Prime dhe që abonimi të rinovohet automatikisht gjatë blerjeve të tyre. Kompania është përpjekur ta bëjë të vështirë për përdoruesit të anullojnë pajisjen e vetërinovimit, sepse “ndryshimet do të preknin gjithashtu të ardhurat e Amazon-it”, pretendonte agjencia në ankesë, e paraqitur në gjykatën federale në Seattle.

Lexo edhe: Amazon përdorë inteligjencën artificiale për t’i gjetur kritikat dhe vlerësimet e rreme

Edhe pse Amazon ka ndryshuar procesin e anullimit pak kohë para se gjykata të paraqiste gjykimin, FTC tha se taktikat e kompanisë shkelin ligjet që synojnë të mbrojnë blerësit.

“Amazon ka mashtruar dhe ka futur njerëz në abonime të përsëritura pa miratimin e tyre, duke frustruar, jo vetëm përdoruesit, por edhe duke u kushtuar atyre shuma të konsiderueshme”, tha kryetarja e FTC, Lina Khan.

FTC po kërkon një urdhër gjyqësor për të detyruar Amazon të ndryshojë praktikat e saj, si dhe gjoba financiare. Amazon tha se po diskuton çështjet me agjencinë, kur gjykimi u paraqit pa lajmërim.

“E vërteta është se klientët e duan Prime dhe ne e bëjmë të qartë dhe të thjeshtë për klientët të regjistrohen ose anulojnë anëtarësimin e tyre në Prime”, tha kompania.

FTC ka paralajmëruar herë pas here firmat në internet që të mos përdorin “modele të errëta” për të manipuluar blerësit. Ajo ka qenë duke hetuar programin Prime të Amazonit që nga viti 2021. Ajo tha se kompania ka tentuar të shtyjë hetimin në disa raste, duke përfshirë refuzimin për të dorëzuar dokumente në kohë.

Lexo edhe : Amazon nuk do ta mbajë këtë vit konferencën re:MARS

Evelyn Mitchell-Wolf, një analiste e lartë në Insider Intelligence, tha se FTC po “shpalos shembullin” me Amazonin. “Ai është shumë i zakonshëm për kompanitë të bëjnë të vështirë anulimin e një llogarie sesa krijimin e saj”, tha ajo.

Zonja Khan, e cila u emërua në postin e saj nga Presidenti Joe Biden, bëri emër duke kritikuar politikën amerikane të konkurrencës lidhur me Amazon. Ajo ka premtuar të veprojë më agresivisht për të kontrolluar blerjen në internet dhe fuqinë e gjigandeve teknologjikë të Amerikës.  Gjykimi shënon veprimin e tretë nga FTC që përfshin Amazon në javët e fundit.

BBC

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0