Alketa Vejsiu, folëse në Konventën e II-të për menaxherët e shitjes


Kanë mbetur pak ditë për të rezervuar vendin tuaj në Konventën e II-të për menxherët e shitjes që do të mbahet me 1 Nëntor, në Hotel Venus – Prishtinë. Kjo Konventë është një mundësi që nuk duhet humbur dhe si e tillë organizohet vetëm një herë në vit.

Edhe këtë vit do të ketë folës nga Sllovenia, Britania e madhe, Zvicra, Shqiperia, si dhe shumë sipermarrës dhe ekspert të suksesshëm vendor. Denis Gafuri së bashku me folësit mysafir do t’i ndajnë me ne eksperiencat e ku do të diskutojnë per qasjen drejt se ardhmes si dhe shumë këshilla për sukses në karrierë. Këtë vit folëse do të jetë edhe ALKETA VEJSIU.

Lexo: POST STARTUP GRIND, ALKETA VEJSIU: “DOJA TË ISHA E PAVARUR, TALENTI MË DHA MË SHUMË SE KAQ.”

Kush është ALKETA VEJSIU?
Kur ishte vetëm 10 vjeç, ajo u përfshi në disa aktivitete dhe emisione për fëmijë, në të cilat spikati si talent. Ndërsa, me “shpërthimin” e epokës së radiove private në vend, Alketa Vejsiu e gjeti veten të angazhuar në Top Albania Radio. E cilësuar si ikona e radiofonisë shqiptare, duke u dalluar gjithmonë për elokuencën dhe të folurën shpejt dhe pa gabime, ajo është një model që ndiqet edhe sot. Në moshën 17 vjeçare, karriera e Alketa Vejsiut do të merrte një kthesë të madhe profesionale, kur regjisorja e famshme Vera Grabocka do i besonte prezantimin e spektaklit “12 ëndrrat e një nate vere”. Prezantimi i “Gjeniut të vogël”, më pas dy edicione të “100 Këngët e Shekullit” ju besuan brenda pak kohësh. Shumë shpejt, Alketa Vejsiu u rikthye në televizion me formatin e suksesshëm nga BBC Worldwide, “Dancing with the stars Albania”. Si producente, skenariste dhe prezantuese e kemi parë në vitin 2016 në “Your Face Sounds Familiar”, një tjetër sukses ndërkombëtar nga Endemol. Me emisione gjithmonë në prime time, formatet e emisioneve të moderuara nga Alketa Vejsiu kanë rezultuar të suksesshëm. Ajo ndër vite ka prezantuar edhe një sërë aktivitetesh dhe ngjarjesh kulturore si “Dua më shumë Shqipërinë”, “Euro Video Grand Prix” apo Netë Gala.

Veçmas botës së spektaklit dhe emisioneve televizive, sfidat e radhës së saj do të ishin të fokusura në botën e biznesit. Me ide të qarta të sipërmarrjes, në pranverën e vitit 2011, Alketa Vejsiu themeloi “Class by AV”. E orientuar në ndërtimin dhe organizimin e eventeve, dasmave, ceremonive të ndryshme, Gjithashtu ajo themeloi dhe “Class Events”që është vetëm një nga shtyllat kryesore të kompanisë së biznesit të ndërtuar nga Alketa Vejsiu. Class Make Up, Class Photography, Class Dress dhe revista Class janë sektorët e tjerë të biznesit të ndërtuar nga ajo ku gjithçka harmonizohet më së miri në një industri ku bëhen bashkë kreativiteti dhe e bukura.

Lexo:  Ja çfarë sugjerojnë për sukses sipërmarrësit drejtues emisionesh televizivë

Për të mësuar më shumë rreth rrugëtimit të saj, rezervoni vendin përmes www.salesconvention.biz dhe mësoni nga Alketa dhe shumë folës tjerë me eksperiencë. Numri i pjesëmarrësve është i limituar kështu qe rezervoni SOT biletën tuaj.

Për rezervime, pyetje apo informata plotësuese lirshëm na kontaktoni në [email protected] apo edhe përmes telefonit +383 45 510 005.

Must watch
Business Mag Nr. #22 - Dhjetor 2019

Kemi ndjekur me vëmendje zhvillimet në ekonomi, e në veçanti ata që ne i quajmë gjeneratorët e kësaj ekonomie, sipërmarrësit privatë. Padyshim që sfidat janë të mëdha. Tregje të pa konsoliduara, konkurrencë e pandershme në shumë sektorë, pak mundësi për financim dhe investime në projekte të reja, Por ne kemi vërejtur gjithashtu një dinamikë e dëshirë të madhe për të ecur përpara.

Në Numrin 22 të Revistës së Businessmag, ju do të gjeni sipërmarrës të dhjetëvjeçarit të fundit, të cilët po shënojnë historinë e tyre të suksesit pa u ndier. Aktivë, energjikë, vizionarë dhe shumë të thjeshtë, ata mund të jenë një model shumë i mirë për t’u ndjekur. I tillë është Urani. Pasioni për perfeksionizëm e siguri nuk ia ul ritmin marramendës të ngritjes dhe zhvillimit të një biznesi. Ai sot ka ngritur një rrjet biznesesh të tija dhe administron edhe sipërmarrje të tjera.

Në brendësi të revistës do të gjeni edhe sipërmarrës të tjerë, nga Shqipëria dhe Kosova.

Ky numër u është dedikuar personazheve të suksesshshëm dhe zhvillimit të aftësive në shërbim të tregut. Ndaj i kemi dedkuar një paketë speciale artikujsh kapitalit njerëzor, rëndësisë së tij, sfidave dhe projekteve të vitit të arshshëm, të prezantuara në Shkollën Verore organizuar nga projekti zviceran “Aftësi për Punë”.

Mes personazheve ju sjellim Brizida Delvina, administratore e një hoteli në Tiranë, Ajo ka zhvilluar një karrierë ideale në fushën e hoteleri-turizmit. Edhe pse Brizida pëlqen të rrijë larg vëmendjes, ajo është një model frymëzues dhe një mentore e mundshme, tashmë edhe për ju që do …

Shiko më shumë
Na ndiqni në rrjetet sociale