Albanian ICT Awards thirrje mendjeve kreative të FIEK, Riinvest dhe Bonevet - Business Magazine Albania

Albanian ICT Awards thirrje mendjeve kreative të FIEK, Riinvest dhe Bonevet


Një javë më parë edicioni i pestë jubilar i një inovacioni që flet shqip çeli turin e takimeve disa javore, të cilat organizohen tradicionalisht çdo vit në kërkim dhe identifikim të shqiptarëve të suksesshëm në teknologji.

Organizuar pranë ambienteve të Ofiçina, ky takim ishte hapi i parë i një rrugëtimi të gjatë dhe një eksperience unike që pret mbarë komunitetin e Albanian ICT Awards.

Java e parë e muajit Mars solli tre takime, dy në Prishtinë – në Fakultetin e Inxhinierisë Elektrike dhe Kompjuterike në Universitetin e Prishtinës dhe Kolegjin Riinvest – dhe një në Gjakovë pranë Qendrës Bonevet.

Me 1 Mars, ekipi organizativ i garës pati kënaqësinë e një bashkëbisedimi të ngrohtë me studentët e shkëlqyer të Fakultetit të Inxhinierisë Elektrike dhe Kompjuterike në Universitetin e Prishtinës. I pranishëm ishte udhëheqësi i departamentit Prof. Dr. Blerim Rexha, akademiku i vitit në Abanian ICT Awards IV dhe Koordinatori i Albanian ICT Awards, z. Ardian Alaj.

ICT Diploma e Vitit, ICT Mobiliteti i Vitit dhe ICT Inovacioni i Vitit ishin kategoritë, të cilat tërhoqën më së shumti vëmendjen e studentëve të FIEK.

Të Enjten e datës 2 Mars Kolegji Riinvest mirëpriti për vitin e tretë me radhë ekipin organizativ të konkursit. I pranishëm në këtë aktivitet, Prof. Dr. Shkëlzen Cakaj motivoi studentët e këtij kolegji t’i bashkohen ICT Awards si një mundësi e artë ku mund të dëshmojnë kreativitetin dhe arritjet e tyre.

Z. Cakaj u shpall ICT Hulumtuesi i Vitit në edicionin e vitit të kaluar të Albanian ICT Awards.

Qendra Bonevet mbylli të Premten takimet e kësaj jave kur organizatorët udhëtuan drejt Gjakovës. Një qytet i vogël, yjet e të cilit nuk kanë reshtur së impresionuari jo vetëm jurinë e Albanian ICT Awards, por mbarë komunitetin e ICT-së në Shqipëri, Kosovë dhe më gjerë.

Kategoria “ICT Ylli në Ngritje” do të jetë testi i vërtetë për këta të rinj, të cilët kërkojnë ta mbajnë këtë çmim përsëri në Gjakovë për vitin e dytë me radhë.

Thirrja e Albanian ICT Awards rikthehet në Hënën, më 6 Mars në Universitetin e Evropës Juglindore në Shkup dhe Tetovë të Maqedonisë, më 7 Mars për herë të parë në Cacttus Education dhe më 9 Mars në Kolegjin AAB.

Aplikimet, të cilat u hapen me 27 Janar, krahas kategorive tradicionale sollën një çmim risi, “ICT Cyber Security of the Year”. Ato do të qëndrojnë të hapura deri më 31 Mars dhe bëhen online përmes faqes zyrtare, www.ictawards.org.

Rreth Albanian ICT Awards

Albanian ICT Awards është një garë mbarëkombëtare unike për nga karakteri dhe dedikimi, që ka për synim identifikimin, shpërblimin dhe promovimin e profesionistëve të dalluar, udhëheqësve të suksesshëm të bizneseve, inovatorëve, akademikëve dhe të rinjve entuziast në fushën e ICT-së. Sistemi shpërblyes i këtij evenimenti realizohet përmes një përzgjedhje të paanshme dhe rigoroze nga një juri e përbërë nga figura të shquara të komunitetit ICT në vend, bazuar në kritere të veçanta etike dhe profesionale të vlerësimit.

Rreth ICTSmedia

ICTSmedia si një shtëpi botuese lider në botimet mediatike në fushën e Teknologjisë, Informacionit, Komunikimit dhe Sigurisë. Këtë vit prezanton edicionin e 5-të vjetor kombëtarë të evenimentit shpërblyes “Albanian ICT Awards V.”

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0