Çfarë ndodh kur programi kompjuterik që të gjithë po nxitojnë ta përdorin bëhet aq i rrezikshëm sa askush nuk pranon ta sigurojë? Sipas raportimit të Financial Times, kjo situatë mund të jetë shumë pranë.
Kompani të mëdha sigurimesh, përfshirë AIG, Great American dhe WR Berkley, po kërkojnë leje nga rregullatorët amerikanë për të përjashtuar përgjegjësitë që lidhen me inteligjencën artificiale nga politikat korporative. Një nënshkrues i politikave të sigurimit e ka përshkruar prodhimin e modeleve të AI-së për FT si “një kuti tepër e zezë”,pra, e paparashikueshme dhe e paqartë.
Industria ka arsye të jetë e shqetësuar, kujton artikulli. Google AI Overview në mënyrë të gabuar akuzoi një kompani diellore për probleme ligjore, çka çoi në një padi prej 110 milionë dollarësh në mars. Air Canada vitin e kaluar u detyrua të nderonte një ulje çmimi që chatbot-i i saj e kishte shpikur vetë. Ndërkohë, mashtruesit përdorën një klon digjital të një drejtuesi të lartë për të vjedhur 25 milionë dollarë nga firma britanike e inxhinierisë Arup, gjatë një video-telefonate që dukej plotësisht reale.
Lexo edhe: Vetëm 15.8% e shqiptarëve përdorin AI: ndër nivelet më të ulëta në kontinent
Ajo që i tremb më shumë kompanitë e sigurimeve nuk është një pagesë e vetme gjigante, por rreziku sistemik që mijëra kërkesa dëmesh të paraqiten njëkohësisht kur një model i përdorur gjerësisht të “gabojë” publikisht. Siç shprehet një drejtues i Aon-it: “Siguruesit mund të përballojnë një humbje prej 400 milionë dollarësh nga një kompani e vetme. Ajo që nuk mund të përballojnë është një incident i AI-së që shkakton 10.000 humbje njëherësh.”
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
