Ndërsa shumë biznese të vogla po protestojnë këto ditë për shkak të kalimit si sipërmarrje me TVSH, Ministri i Financave ka spjeguar nismën e ndërmarrë nga qeveria.
Në një takim me gazetarët ai ka theksuar se skema e TVSH-së që përfshin bizneset e vogla, është hap i rëndësishëm për të luftuar informalitetin.
Ministri ka theksuar, se përmes zgjerimit të skemës, duke futur grupin e bizneseve me xhiro 2-5 milionë lekë në vit synohet të rritet shkalla e formalizimit. Ahmetja tha se, “fokusi është te biznesi i madh dhe te qartësia e transaksionit për të mbledhur më shumë TVSH nga biznesi i madh”.
Ministri Ahmetaj ka përsëritur urdhërin e dhënë në fundjavën e kaluar. Lehtësia për sipërmarrjet e vogla do të jetë mungesa e gjobave. Ai ka theksuar se, nuk do të ketë gjoba për bizneset e vogla për gabime në deklarim deri në fund të këtij viti. Së fundi vlerësohet të jenë angazhuar disa sportele specifike për asistencë të këtij procesi për bizneset e vogla.
Bizneset me xhiro 2-5 milionë lekë në vit, duhet të bëjnë deklarimin e TVSH-së një herë në tre muaj. Pjesë e këtij ndryshimi pritet të jenë gati 20 mijë sipërmarrje.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
