Renditjet më prestigjioze globale për aviacionin, Skytrax World Airport Awards dhe AirlineRatings.com World’s Best Airline Awards kanë publikuar fituesit për vitin 2026, duke konfirmuar edhe një herë dominimin e Azisë në industrinë e udhëtimit ajror. Në krye të listës qëndron Singapore Changi Airport, i cili është shpallur “Aeroporti i Vitit” për herë të 14-të, një rekord që e konsolidon si lider global në përvojën e udhëtarëve.
Në të njëjtën kohë, Qatar Airways është shpallur linja ajrore më e mirë “full-service” në botë, duke zëvendësuar Korean Air, fituese në vitin 2025.
Top 5 aeroportet më të mira në botë
Pesë aeroportet më të mira në botë ndodhen të gjitha në Azi:
Singapore Changi Airport
Incheon International Airport
Tokyo International Airport
Hong Kong International Airport
Narita International Airport
Ndërkohë, mungesa e Hamad International Airport nga lista është e dukshme, pasi aeroporti vendosi të tërhiqet nga çmimet dhe eventet ndërkombëtare për shkak të situatës në Lindjen e Mesme.
Europa në garë: Paris Charles de Gaulle në krye
Në Europë, aeroporti më i mirë për të katërtin vit radhazi është Paris Charles de Gaulle Airport, i renditur i gjashti në botë.
Pas tij vijnë:
Rome Fiumicino Airport (7)
Istanbul Airport (8)
Munich Airport (9)
Në top 20 përfshihen gjithashtu:
Helsinki-Vantaa Airport
Vienna International Airport
London Heathrow Airport
Amsterdam Schiphol Airport
Zürich Airport
Ndërkohë, Budapest Airport u shpall aeroporti më i mirë në Europën Lindore, ndërsa London Heathrow Airport fitoi çmimin për blerjet më të mira në aeroport.
Linjat ajrore më të mira: dominim aziatik
Edhe në renditjen e linjave ajrore, Azia kryeson:
Qatar Airways
Cathay Pacific
Singapore Airlines
Korean Air
STARLUX Airlines
Linja ajrore më e mirë europiane “full-service” është Turkish Airlines, e renditur e shtata globalisht.
Pas saj vijnë:
Virgin Atlantic
KLM
Air France
LOT Polish Airlines
Në segmentin low-cost, airBaltic kryeson në Europë, e ndjekur nga:
easyJet
Wizz Air
Ryanair
Jet2
TUI Group
Rezultatet e vitit 2026 tregojnë një realitet të qartë: Azia vazhdon të udhëheqë në inovacionin dhe përvojën e udhëtarëve, ndërsa Europa mbetet konkurruese përmes cilësisë dhe rrjeteve të konsoliduara. Në një treg gjithnjë e më konkurrues, diferencimi nuk vjen më vetëm nga çmimi, por nga përvoja, nga aeroporti te kabina e avionit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
