Acer ka njoftuar lançimin e monitorit të tij të fundit për lojëra, të quajtur Predator XB321HK. Monitori 4K 32 inç, ka një rezolucion prej 3840 x 2160 dhe ofron 100% saktësi dhe riprodhim ngjyrash sRGB.
Paneli i përdorur në monitor ka një përgjigje në kohë prej 4ms duke i lejuar kështu të gjenerojë lëvizje të shpejta pa hije. Paneli ka një kënd shikimi të gjerë dhe ofron saktësi pasqyrimi ngjyrash deri në 178 gradë horizontalisht dhe vertikalisht. Lojtarët mund të zgjedhin mes tri profileve të ndryshme duke i lejuar përdoruesit të rregullojnë cilësimet, pa nevojën për të përdorur një menu OSD, ndërkohë që ata luajnë.
Acer gjithashtu ka implementuar në këtë monitor teknologjinë për të reduktuar shkëlqimin verbues si dhe emetimin e ngjyrës blu në mënyrë që të ulë sa më shumë lodhjen e syve gjatë seancave të gjata të lojërave.
Opsionet e lidhjes përfshijnë HDMI dhe DisplayPort v1.2. Monitori ka një shpërndarës USB 3.0 të integruar lart dhe katër porta të tjera poshtë. Monitori Predator XB321HK pritet të kushtojë $ 1.299 dhe është në dispozicion online tani. Do t’ju duhen disa karta grafike serioze dhe të forta për të vënë në punë lojërat moderne në rezolucion 4K, pa vonesë.
/Ky artikull u publikua së pari nga TechSot.al. Business Magazine Albania ka të drejta të plota të ripublikimit të këtij artikulli, në bazë të marrëveshjes mes palëve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
Albanian
English