A po bëhemi më pak inteligjentë?

Është zyrtare, ne po bëhemi më pak të zgjuar.

Sipas një studimi të ri, niveli i inteligjencës po bie.

Studimi, me autor Bernt Bratsberg dhe Ole Rogeberg nga “Qendra Ekonomike Kërkimore Ragna Frisch”, Norvegji, analizoi rezultatet e testit të IQ në më shumë se 730,000 meshkuj norvegjezë.

Analizat treguan se meshkujt e lindur në vitin 1962 kishin rezultate më të larta se ata të lindur në vitin 1991.

Ky njihet si Efekti Flynn, i emërtuar pas James Flynn, shkencëtari që zbuloi trendin.

Nuk është e qartë se çfarë ndikon në rënien e IQ.

Studimi përfshiu gjenerata të ndryshme nga e njëjta familje, duke treguar se devijimi nuk është gjenetik, fëmijët kanë rezultate shumë herë më të dobëta se prindërit e tyre.

Autorët e studimit sugjerojnë se kjo mund të jetë për shkak të faktorëve mjedisor. Këtu përfshihet çdo gjë, nga ajo që hamë, në ajrin që thithim, në zgjedhjet e përditshme të jetesës.

Mund të ndodhë që, ndërkohë që teknologjia bën gjithnjë e më shumë detyra për ne, ne bëhemi më pak inteligjentë. Kjo është ndoshta për shkak të ndryshimeve në mënyrën se si mësohen matematika dhe gjuhët, apo prej kohës që ne shpenzojmë në smartfonë dhe kompjutera.

IQ e ulët nuk kufizohet vetëm për norvegjezët: autorët thonë se ky trend është evident në shumë vende të tjera.

Çfarë është inteligjenca gjithsesi?

Ndoshta inteligjenca jonë nuk mund të matet më me saktësi nga sistemet e vjetra.

Në fakt, për sa kohë që testimi IQ ka ekzistuar, ka pasur argumente si pro dhe kundër tij. Një nga kritikat e testit është se ai padrejtësisht diskriminon disa komunitete. Përveç kësaj, disa argumentojnë se inteligjenca është specifike për kulturën. Me fjalë të tjera, ajo që perceptohet si inteligjencë nga disa komunitete nuk është relevante për të tjerët.

Shkencëtarët, filozofët dhe edukatorët kanë debatuar gjatë për kuptimin e “inteligjencës” dhe nuk ka përfundime të qarta nëse testet IQ janë mënyra e duhur për ta matur atë.

/WeForum