Për shumë njerëz, marrja e një mausi ose kontrolluesi të lojërave për të përdorur kompjuterin e tyre është diçka e natyrshme. Megjithatë, për disa persona me aftësi të kufizuara, mund të jetë një sfidë, madje edhe e pamundur.
Ka metoda alternative të hyrjes si gjurmimi i syve, por ato shpesh kërkojnë pajisje të specializuara. Dhe ndërsa gjigantët e lojërave si Sony kanë projektuar kontrollues të aksesueshëm për paisjet e tyre, ato nuk funksionojnë për të gjithë. Këtu hyjnë softuerët si MotionInput dhe koncepti i “kompjuterisë pa prekje”. Qëllimi është të lejojë këdo të luajë çdo lojë, duke përdorur vetëm pajisje standarde laptop.
Në vend që t’u kërkojë përdoruesve që të jenë në gjendje të përdorin mausin ose tastierën, MotionInput i lejon ata të krijojnë çdo hyrje të re për klikimet ose kontrollet që funksionojnë më mirë për ta. Përdoruesit mund të zgjedhin çfarëdo shprehjeje të fytyrës ose gjeste fizike që u përshtaten atyre dhe nevojave të tyre, të dhëna nëpërmjet kamerës së internetit të kompjuterit.
Për shembull, ngritja e vetullave mund të jetë një klik i dyfishtë. Softueri që e mbështet atë është i disponueshëm falas në Dyqanin e Microsoft.
Profesor Dean Mohamedally, profesor i shkencave kompjuterike në University College London, ka udhëhequr zhvillimin e MotionInput gjatë katër viteve të fundit me ndihmën e më shumë se 200 studentëve.
Ai është shprehur se “demokratizon” teknologjitë e mëparshme, duke u mundësuar fëmijëve të luajnë lojëra duke përdorur lëvizjet e tyre të trupit, në një shembull të “kompjuterisë së barabartë”.
Në një nga shkollat ku është zbatuar kjo metodë një prej studenteve është shprehur:
“Është e lehtë. Më ndihmon të përjetoj çdo veprim të lojës.”
Ajo që e bën të mundur këtë teknologji të personalizuar është softueri i inteligjencës artificiale (AI) i ofruar nga Intel. Ai përdor mësimin e makinerive për të njohur pjesët e trupit të një përdoruesi dhe se si lëvizjet ose shprehjet e tyre lidhen me veprime të caktuara gjatë lojës.
Dr Lynsay Shepherd, lektor i lartë në sigurinë kibernetike dhe ndërveprimin njeri-kompjuter në Universitetin Abertay, është shprehur:
“Në kontekstin e lojërave, është e rëndësishme që kompjuterët dhe paisjet të jenë të aksesueshme për individët, diçka që është bërë veçanërisht e dukshme në vazhdën e pandemisë COVID-19. Lojërat mund të zvogëlojnë ndjenjat e izolimit social dhe të mbështesin shëndetin mendor pozitiv, dhe njerëzit me probleme të aksesueshmërisë meritojnë mundësi për t’u përfshirë në lojëra.”
Ajo vë në dukje se përpjekjet e ngjashme të udhëhequra nga organizata bamirëse si SpecialEffect dhe Able Gamers, të cilët punojnë me zhvilluesit për të krijuar kontrollues të personalizuar, po ndihmojnë gjithashtu lojtarët me aftësi të kufizuara të kenë përvoja më të mira. Por, ajo tha se teknologjitë e aksesueshme duhet të mbeten të lehta për t’u përdorur dhe të përballueshme nëse ato do të adoptoheshin më gjerësisht.
“Industria e lojërave mund të mbështesë zhvillimin e këtyre teknologjive duke krijuar një tubacion për të ndihmuar lojtarët me probleme të aksesueshmërisë të përfshihen në testim dhe duke punësuar lojtarë me aftësi të kufizuara si konsulentë të aksesueshmërisë”, tha ajo.
Për momentin fokusi është te lojrat, por teknologjia si MotionInput ka potencial, i cili shkon përtej thjesht argëtimit. Besohet se kompjuteri pa prekje mund të jetë i dobishëm në kujdesin shëndetësor, ndërtim dhe arsim.
“Duke pasur parasysh shoqërinë tonë gjithnjë e më të dixhitalizuar, këto teknologji mund t’i mbështesin njerëzit në ruajtjen e lidhjeve sociale dhe të ofrojnë ndihmë në mjedisin e punës”, ka pohuar Dr Shepherd.
Synimi i ardhshëm i softuerit MotionInput të UCL është të komercializojë aplikacionet e tij të paarritshme. Por tani për tani, gjithçka ka të bëjë me lojërat.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
