A ka një ekuacion për lumturinë? Ja se si mund ta zbulojmë - Business Magazine Albania

A ka një ekuacion për lumturinë? Ja se si mund ta zbulojmë

Shumica e njerëzve do të donin që të ishin më të lumtur. Por nuk është gjithmonë e lehtë ta dish se si ta arrish atë qëllim.

A ka ndonjë ekuacion për lumturinë? Janë sugjeruar shumë formula. Flini mjaftueshëm. Ushtrohuni fizikisht. Meditoni. Ndihmoni të tjerët.

Kaloni sa më shumë kohë me miqtë dhe familjen. Në përgjithësi që të gjitha këto gjëra janë të lidhura me lumturinë. Por ato nuk funksionojnë për të gjithë. Lumturia është një çështje vërtet e komplikuar. Ajo mund të ndryshojë shpejt, dhe është ndryshe për të gjithë, në mënyra që shkencëtarët ende nuk i kuptojnë. Në studimet tona të vazhdueshme, ne po përpiqemi t’i japim një përgjigje kësaj pyetjeje.

Sondazhet mbi lumturinë mund të na tregojnë shumë të dhëna, përmes disa pyetjeve se si ndihen njerëzit në përgjithësi. Ndërkohë ne përdorëm smartfonët që po përdoren çdo ditë nga miliarda njerëz.

Shpeshherë njerëzit besojnë se telefonat inteligjentë janë të dëmshëm për lumturinë. Por shumë prej nesh kënaqen duke luajtur lojëra shumë popullore si Candy Crush Saga, Fortnite dhe Among Us. Mënyra sesi ndihemi psikologjikisht mund të ndryshojë shpejt gjatë kohës që luajmë lojëra, duke na garantuar një mundësi për të mbledhur informacione të hollësishme rreth ndërlikimeve të lumturisë.

Kohët e fundit kemi hedhur ne rrjet një aplikacion për smartfonë, The Happiness Project (Projekti i Lumturisë), të cilin çdokush mund ta shkarkojë falas. Në më pak se 5 minuta, ju mund të luani një nga katër lojërat, si për të mësuar ashtu edhe për të kontribuar në hulumtimin mbi lumturinë.

Deri më tani, kanë luajtur mijëra njerëz, duke iu përgjigjur mbi 1 milionë herë pyetjes “Sa të lumtur jeni tani?”. Deri tani, ne kemi arritur të kuptojmë se pritshmëritë kanë shumë rëndësi në lumturinë e njerëzve. Me 18.420 njerëz që luajtën një lojë të thjeshtë në telefonat e tyre, ne pamë se lumturia e tyre nuk varej se sa mirë po bënin, por nëse po bënin më mirë sesa prisnin.

Studimi ynë tregon se si pritshmëritë e mëdha mund të jenë problem. Prandaj nuk është një ide e mirë t’i thoni mikut tuaj se çfarë dhurate dëshironi për ditëlindje. Ulja e pritshmërive në momentin e fundit e rrit probabilitetin e një surprize pozitive. Problemi me përdorimin e këtij truku, është se tek lumturia ndikojnë edhe pritshmëri tepër ngjarjet e ardhshme. Nëse bëni plane për të takuar një mik pas punës, mund të jeni të pakënaqur nëse ai takim anulohet papritmas. Një arsye tjetër është se pritshmëritë janë vërtetë të rëndësishme për vendimmarrjen.

Nëse prisni gjithmonë më të keqen, është e vështirë të bëni zgjedhje të mira. Kur gjërat shkojnë më mirë sesa pritej, ky është informacioni që mund të përdorë truri juaj për të rishikuar për mirë pritshmëritë tuaja, në mënyrë që të bëni zgjedhje edhe më të mira në të ardhmen. Pritshmëritë reale janë përgjithësisht më të mirat. Në fakt, ne zbuluam se lumturia është e lidhur ngushtë me të mësuarit mbi mjedisin tonë. Ka raste siç janë shkuarja me pushime, kur ulja e pritshmërisë nuk mund të jetë një ide e keqe.

Në fund të fundit, pritshmëritë tuaja mund të jenë disi jorealiste nëse e zgjidhni destinacionin tuaj të pushimeve bazuar në rrëfimet e një mikut tuaj. Ju mund të kënaqeni më shumë nëse nuk prisni që gjithçka të shkojë në mënyrë perfekte.

Një mësim tjetër që nxorëm nga lojërat tona në smartfonë, është se shumica e ngjarjeve nuk ndikojnë për shumë kohë tek lumturia jonë. Ju mund të mendoni se ka diçka që nuk shkon me ju, nëse nuk ndjeni një lumturi të qëndrueshme për një ngritje në detyrë, por gëzimi i kufizuar në kohë, është një përshtatje që e ndihmon trurin tuaj të përshtatet me rrethanat tuaja, dhe që më pas të jeni gati të bëni lëvizjen tuaj të radhës.

Në mjedise të pasigurta, përfshirë lojërat dhe jetën reale, ajo që ndodh disa minuta më parë është shpesh e parëndësishme për detyrën në fjalë. Natyra e lumturisë, nënkupton se është më mirë që ne të mendojmë për lumturinë në një mënyrë tjetër. Lumturia është një mjet, dhe jo një qëllim në vetvete. Ajo mund të na ndihmojë të kuptojmë më mirë se çfarë na intereson, se çfarë vlerësojmë. Mund të na tregojë nëse gjërat po shkojnë çuditërisht mirë, gjë që mund të na motivojë të vazhdojmë me gjërat tona. Kur lumturia jonë zbehet, kjo mund të jetë një shenjë që ne duhet të provojmë diçka të re.

Pandemia aktuale ka pasur një ndikim të madh në shëndetin mendor të njerëzve. Nuk ka qenë asnjëherë më e rëndësishme se sa tani të kuptuarit e lumturisë dhe mirëqenies shpirtërore. Ne nuk e dimë pse disa njerëz janë më të mërzitur sesa të tjerët. Ne nuk e dimë se përse pasiguria është vërtet stresuese për disa njerëz, por jo për të tjerët. Lojërat tona synojnë që ta zbulojnë këtë gjë.

Mijëra njerëz që luajnë lojërat në ‘’The Happiness Project’’ do të ndihmojnë shkencëtarët të shkruajnë ekuacionet për lumturinë. Nuk do të ketë kurrë një formulë për lumturinë, por shkenca mund të ndihmojë në shpjegimin e faktorëve të ndryshëm që kanë rëndësi për lumturinë në secilin prej nesh.

The Conversation

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #34 - Mars 2024

Për një vit të mbarë!

Viti 2024 ka nisur me sfidat dhe mundësitë e tij. Ndërsa kompanitë do të duhet të përballen me disa ndryshime ligjore dhe njëkohësisht trendet e tregjeve: si rritje çmimesh dhe rritje e kostos së fuqisë punëtore, startupet janë para mundësive dhe një klime favorizuese. Thirrje të shumta janë hapur në fushën e biznesit, kulturës dhe ideve të gjelbërta. Ndër më të rëndësishmit, programi i qeverisë për financimin e 80 startupeve në tre faza zhvillimi të tyre

Për të kuptuar rëndësinë e bizneseve të reja, veçanërisht në teknologji, mjafton të shohim që edhe sipërmarrje të konsoliduara vendase, si një grup kompanish si Balfin, kanë një vëmendje të theksuar tek startupet. Z. Samir Mane, President i këtij grupi, prej kohësh ka treguar interes, duke i mbështetur, por edhe duke investuar në një prej startupeve që pritet të sjellë revolucion në bio-inxhinieri. Vëmendja tek risia dhe inovacioni vlerësohet të jetë një nga arsyet kryesore, përse audienca jonë e zgjodhi në kompeticionin tonë të dhjetorit si Sipërmarrësi i Vitit. Në një intervistë ekskluzive, z. Mane tregon për ne copëza domethënëse nga …

Shiko më shumë
Na ndiqni në rrjetet sociale
0