Pensioni privat po merr vëmendje, si një zgjidhje alternative për moshën e tretë, nisur nga fakti që skema e pensioneve publike siguron pak të ardhura. Studime të shumta po ngrenë alarmin se skema e pensioneve shtetërore po has probleme. Kontrolli i Lartë i Shtetit shprehet se janë vetëm 1.4 kontribues për 1 pensionist, ndërsa Buxheti i Shtetit çdo vit detyrohet të paguajë më shumë lekë në fondin e Institutit të Sigurimeve Shoqërore. Edhe pse Buxheti harxhon para çdo vit e më shumë, pensioni mesatar në Shqipëri vlerësohet të jetë rreth 9 500 lekë, një shumë e vogël krahasuar edhe me minimumin jetik të përcaktuar në 17 500 lekë nga një studim i Avokatit të Popullit. Në këto kushte, sytë nga forma të tjera financiare janë alternativë, si fondet e pensioneve private.
Në këtë rast, çdo individ mund të zgjedhë personalisht shumën që dëshiron të kontribuojë dhe më pas të përfitojë një rrogë të konsiderueshme në moshën e daljes në pension. Fondet e pensionit janë instrumenta financiarë, që ofrojnë siguri përmes risigurimit. Sipas statistikave, këto fonde kanë kthime, më të larta se skema publike, të cilat variojnë nga 5.3% në 2013-ën në 3.67% në 2021.
Për të sjellë një shembull konkret.
Nëse ju investoni 10 mijë lekë në muaj për 30 vite, të cilat shtohen me interes mesatar 5% çdo vit, atëherë rroga juaj pas moshës 65 vjeç do të jetë 55 mijë lekë. Ndërkohë tarifa e administrimi është vetëm 9.2 lekë për fondet tuaja, që është deri diku e papërfillshme.
Për të shpjeguar më mirë detajet e këtij instrumenti financiar, zhvilluam një intervistë me z. Elvis Ponari, i cili është Administrator i Përgjithshëm i Shoqërisë Administruese të Fondeve të Pensionit dhe Sipërmarrjeve të Investimeve Kolektive “SIGAL Life UNIQA Group Austria”.
Artikulli u publikua më parë në faqen 30 të numrit 31 të revistës Business Magazine Albania. Business Magazine Albania është revista e parë digjitale me përmbajtje origjinale në shqip të orientuar nga fusha e biznesit. Ju mund Abonoheni dhe të Shfletoni Këtu nr. 31 të saj.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
