A është GDP një matës i mirë i ekonomisë?


Tre ekonomistë dhe akademikë të njohur ranë dakort në Davos se GDP ose PBB ( Prodhimi i Brëndshëm Bruto) nuk është një matës i mirë i ekonomisë dhe se duhet gjetur një matës tjetër për ekonominë.

Kreu i Fondit Monetar Ndërkombëtar Christine Lagarde, fituesi i çmimit Nobel për ekonominë Joseph Stiglitz dhe profesori i MIT Erik Brynjolfsson theksuan se me ndryshimet e shpejta që kanë ndodhur në botë, ka ardhur momenti të ndryshojmë mënyrën se si matim progresin ekonomik.

Prodhimi i Brëndshëm Bruto është një matës i vlerës totale të produkteve dhe shërbimeve që prodhohen në një vend. Që në momentin e zhvillimit të këtij koncepti në vitin 1930, ideatori i kësaj ideje, Simon Kuznets paralajmëroi se GDP-ja nuk është një matës se si po ecin të gjithë. GDP-ja mat produktet dhe shërbimet që ne blejmë dhe shesim, por mund të ndodhë që ky matës të shkojë në drejtim të kundërt me mirëqënien.

Sot, me ndryshimet që ka sjellë Revolucioni i Katërt Industrial, Prodhimi i Brëndshëm Bruto pasqyron akoma më pak gjendjen reale të ekonomisë. “Na duhet një model i ri zhvillimi. Ashtu siç po ndryshojmë mënyrën si bëjmë biznes, ne duhet të ndryshojmë mënyrën si masim ekonominë,” tha profesori i MIT.

Të njëjtën gjë deklaroi drejtuesja e FMN-së Lagarde. “Ne duhet të rishikojmë mënyrën si llogarisim produktivitetin, vlerën e produkteve, GDP-në dhe se si e shohim zhvillimin e mëtejshëm ekonomik”.

“GDP-ja amerikane është rritur çdo vit përveç 2009, por shumica e amerikanëve janë më keq se shekullin e kaluar. N.q.s bëhet një indeksim i inflacionit, del që pagat reale të sotme janë më të vogla se 60 vjet më parë. Ky sistem ekonomik nuk është i mirë për të gjithë”,- deklaroi Joseph Stiglitz.

Pse duhet të shqetësohemi të gjithë për këtë problem? A nuk është detyra e ekonomistëve dhe politikanëve të merren me këtë çështje? Sipas Stiglitz: “ Këta matës na informojnë çfarë ne bëjmë. N.q.s masim gabim ekonominë, ne do të marrim vendime të gabuara.”

/Forumi Ekonomik Boteror/

 

 

Must watch
Business Mag Nr. #24 - Tetor 2020

Numri 24 i revistës Businessmag.al sjell një panoramë të zhvillimeve, përshtatjeve dhe ecurisë në sektorë të ndryshëm të ekonomisë. Në të njëjtën kohë, shohim zhvillime relativisht të kënaqshme.  Organizime të reja si Dhoma Ekonomike e Gruas, duket si një shpresë për më shumë zë, lobim dhe mbështetje për gratë sipërmarrëse dhe sipërmarrjet e reja.

Gjatë kësaj periudhe angazhime si programi “Ringrihu më i fortë”, ishin një lloj kundërpërgjigje ndaj dëmeve ekonomike që po shkakton pandemia.

Influencerat vijojnë të rrisin hapësirat e tyre dhe janë bërë një instrument i rëndësishëm marketimi. Në brendësi të revistës do të gjeni renditjen e top 100 influencerave më të mëdhenj në vend.

Gjatë kësaj vere ndërkohë, vetë Businessmag pati një fushatë të suksesshme të promovimit të turizmit shqiptar. Qindra të rinj u angazhuan të dërgojnë foto dhe përshkrimet e vendeve të ndryshme të Shqipërisë.

Shiko më shumë
Na ndiqni në rrjetet sociale