A duhet të mbaj maskë për t’u mbrojtur?

Organizata Botërore e Shëndetësisë rekomandon të mbani një maskë vetëm nëse dyshoni se mund të jeni infektuar me Koronavirusin e ri dhe keni simptomave të tilla si kollë, teshtitje ose nëse jeni duke u kujdesur për një person të dyshuar për infeksion me Koronavirusin e ri.

Lexo: Karantinohen mjekët në spitalin e Durrësit

Përdorimi i maskës ndihmon për të kufizuar përhapjen e spërklave dhe nëpërmjet tyre të virusit, por duhet të ndiqet edhe me masat e tjera të higjienës respiratore dhe të duarve. Nuk është e nevojshme të mbani disa maska njëra mbi tjetrën (të mbivendosura).

Instituti i Shëndetit Publik së bashku me Ministrinë e Shëndetësisë dhe Mbrojtjes Sociale na udhëzojnë me disa këshilla rreth përdorimit të maskës:

• Maskë duhet të vendosin të gjithë ata që janë në kontaktë shumë të afërt me persona të sëmurë, si: mjekët, infermierët, personat që kujdesen për të sëmurët.
• Vendosja e maskës në publik, kur je një person i shëndetshëm, është një mënyrë jo shumë efektive, për të shmangur viruset. Mënyra më e mirë është vendosja e maskës nga një person i sëmurë.
• Mos i shpërdoroni maskat. Jepjani ato një personi të sëmurë. Ju shpëtoni shumë persona në këtë mënyrë.
• Nëse jeni të sëmurë, por duhet të dilni jashtë, në ambiente publike. Vendosni maskë!