A do të hapen negociatat për Shqipërinë dhe Maqedoninë e Veriut

A do të hapen negociatat për Shqipërinë dhe Maqedoninë e Veriut

~3 minuta lexim


Berlini zyrtarisht kërkon që të hapen urgjentisht bisedimet për anëtarsimin e Shqipërisë dhe të Maqedonisë së Veriut, në Bashkimin Europian. Ministri Jashtëm gjerman, Hajko Mas tha se në të kundërt, do të dëmtohen interesat e vetë Bashkimit Europian dhe të Gjermanisë.

Lexo: Ja disa thirrje aktive, që mbështeten nga Bashkimi Europian

Pas vlerësimeve pozitive të Komisionit Europian, për Shqipërinë dhe Maqedoninë e Veriut, Gjermania angazhohet për fillimin e shpejt të negociatave për anëtarësimin në BE. Deklaratën e ka bërë ministri i jashtëm gjerman, përmes një postimi në faqen zyrtare në internet të dikasterit që drejton.

“Edhe një herë Komisioni Europian dha vlerësime të mira, për Shqipërinë dhe Maqedoninë e Veriut. Të dy vendet kanë pasur një progres të prekshëm në reformat kyçe, sidomos në forcimin e sistemit ligjor dhe luftën kundër krimit të organizuar dhe korrupsionit. Ne I mbështesim vlerësimet pozitive të KE-së dhe po lobojmë në qarqet e Bashkimit Europian për një fillim të shpejt të negociatave, të cilat janë instrumenti më I mirë që mund t’i jepet Shqipërisë dhe Maqedonisë së Veriut. Mbështetja më e mirë e mundshme për progress të mëtejshëm”, shprehet Hajko Mas.

Ai paralajmëron më tej, se nëse nuk hapen bisedimet kjo do të jetë e dëmshme për të 2 vendet, gjithashtu edhe për BE-në dhe Gjermaninë. Nëse nuk do të ketë një shenjë inkurajuese nga BE-ja do të rrezikohet progresi I madh I arritur në vitet e fundit, kjo do të dëmtonte edhe interest e BE-së dhe Gjermanisë.

“Ne na duhen shtete të qëndrueshme, efikase dhe demokratike, në Ballkanin Perëndimor”, thuhet më tej në deklaratën e ministrit të jashtëm.

Komisioni Europian me raportet e publikuara thekson, se Shkupi dhe Tirana I kanë përmbushur kriteret për fillimin e negociatave dhe se pret nga këshilli i BE-së të marrë një vendim pozitiv.

Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.

Mund të kontribuoni KETU. Falemnderit.

Must watch
Business Mag Nr. #37 - Prill 2025

Mendo lokalisht, vepro globalisht

Viti 2025 vjen me sfida dhe mundësi të mëdha në sektorë të rëndësishëm të ekonomisë sonë. Turizmi shqiptar po përjeton një rritje të jashtëzakonshme, ku duket se pas një prezantimi mbresëlënës në ITB Berlin, Shqipëria është gati të pozicionohet si një destinacion i rëndësishëm në hartën botërore me një ofertë të larmishme turistike. Paralelisht, tregu i pasurive të paluajtshme po përballet me ndyshime të shumta, ku investimet strategjike dhe zhvillimi i qëndrueshëm janë kyç për suksesin e këtij sektori.
Teknologjia vazhdon të transformojë mënyrën se si jetojmë dhe punojmë. Inteligjenca Artificiale nuk është më thjesht një mjet ndihmës, por një faktor vendimtar që po shkruan rregulla të reja në çdo industri.

Bota përballë sfidës së krijimit të një axhende më humane për Inteligjencën Artificiale – si mund ta vendosim atë në shërbim të njeriut, pa e shndërruar në një rrezik për demokracinë dhe ekonominë globale? Ndërsa jetojmë në një botë që ndryshon vazhdimisht, shohim sesi Fintech është një realitet i padiskutueshëm që po lehtëson ditë pas dite jetën dhe veprimtarinë e bizneseve dhe individëve. Ajo që konfirmojmë me siguri në këtë edicion është sesi bizneset shqiptare po përqafojnë gjithnjë e më shumë një qasje europiane në menaxhim, kulturë, lidership dhe investime, duke u nxitur drejt inovacionit dhe …

Shiko më shumë
Na ndiqni në rrjetet sociale
0