Kina po përgatitet të nisë një hetim antitrust ndaj Google Alphabet Inc, pas akuzave se gjiganti se ka shfrytëzuar dominimin e sistemit të saj operativ Android për të mbytur konkurrencën. Rasti u propozua nga gjigandi i pajisjeve telekomunikuese Huawei Technologies Co Ltd vitin e kaluar dhe është paraqitur nga rregullatori më i lartë i tregut të vendit në komitetin e antitrustit të Këshillit të Shtetit për shqyrtim.
LEXO: Mposhtet COVID-19, ‘Messi’ dhe ‘burofax’ më të kërkuarit në Google
Nëse ky hetim merr rrugë zyrtare, kjo mund të ndikojë në marrëdhëniet midis Kinës dhe Shteteve të Bashkuara. Hetimi i mundshëm pason një mori veprimesh nga administrata e Presidentit të SHBA Donald Trump, për të penguar kompanitë e teknologjisë kineze, pasi sipas tij sjellin rreziqe për sigurinë kombëtare.
Kjo ka përfshirë futjen e Huawei në listën e saj të zezë të tregtisë, duke kërcënuar për veprim të ngjashëm edhe Semiconductor Manufacturing International Corp. Një hetim i mundshëm do të shikonte gjithashtu akuzat se pozicioni i Google në treg mund të shkaktojë “dëm ekstrem” për kompanitë kineze si Huawei, pasi humbja e mbështetjes së gjigantit të teknologjisë amerikane për sistemet operative të bazuar në Android do të çoj në humbje të besimit dhe të ardhurave. Burimet nuk ishin të autorizuar të flisnin publikisht për këtë çështje dhe nuk pranuan të identifikohen. Google nuk dha komente të menjëhershme, ndërsa Huawei nuk pranoi të komentonte.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
