“Madresfield Court” është një shtëpi që nuk i ngjan aspak banesës së një familje të zakonshme. Prona, e vendosur në fshatin Worcestershire, ka qenë e familjes së pronarit të saj aktual, Lucy Chenevix-Trench, prej 900 vjetësh. E megjithatë Lucy dhe burri i saj Jonathan e kanë shndërruar ndërtesën e vjetër dhe hijerëndë në një vend tërheqës dhe mikpritëse për katër fëmijët e tyre: May, Jack, Evie dhe Max.
Historia e tyre është një nga 12 të rrëfyerat në librin “Old Homes, New Life”, shkruar nga Clive Aslet dhe fotografuar nga Dylan Thomas, e cila rrëfen për disa nga ndërtesat më madhështore të vendit që mbeten ende në pronësi private.
Lucy ishte 23 vjeç kur mamaja e saj, Lady Morrison shkoi për të jetuar në Madresfield pasi e kishte trashëguar atë nga xhaxhai i saj. Ajo u mundua shumë për të mirëmbajtur shtëpinë, por kur mbërriti Lucy dhe Jonathan në 2012 në ndërtesë kishte ende shumë punë për të bërë, pasi aty prej më shumë se 100 vitesh nuk kishin jetuar fëmijë të vegjël.
Lucy është gjenerata e 29-të e familjes së saj që jeton në Madresfield. Ajo dhe Jonathan janë shumë të vetëdijshëm se në fund të fundit ata janë vetëm kuratorë ose kujdestarë të shtëpisë dhe pasurisë. ‘Këto pasuri dhe shtëpi janë një pjesë e rëndësishme e kulturës dhe trashëgimisë së vendit tonë. Ne do të bëjmë çmos për të bërë ndryshime të dobishme dhe të lëmë një trashëgimi pozitive në atë që kemi pasur mjaft fat për të menaxhuar. Por në fund, ne jemi thjeshtë kalimtarë ’.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
