Qendra për Aftësi Konkurruese do të organizojë takimin për rritjen e ndërgjegjësimit dhe krijimin e rrjetit të bashkëpunimit të projektit “Rritja e ndërgjegjësimit të OShC-ve dhe NVM-ve mbi rëndësinë e Ekonomisë Qarkulluese në përputhje me Paketën e Ekonomisë Qarkulluese të BE-së”, financuar nga Bashkimi Europian.
Ky takim do të kryhet për rritjen e ndërgjegjësimit dhe krijimin e rrjetit të bashkëpunimit në datën 13 korrik, ora: 10.00 – 13.00, pranë Hotel Tirana International, tek Salla “Metropol”.
Projekti “Rritja e ndërgjegjësimit të OShC-ve dhe NVM-ve mbi rëndësinë e ekonomisë qarkulluese në përputhje mePaketën e Ekonomisë Qarkulluese të BE-së” synon të krijojë vetëdijen dhe edukimin për publikun e gjerë dhe palët e interesuara mbi strategjinë e Ekonomisë Qarkulluese të BE-së, me synimin drejt një ekonomie të qëndrueshme me karbon të ulët, burime efikase dhe konkurruese.
Qendra për Aftësi Konkurruese është një organizatë jo fitimprurëse dhe ka si mision zhvillimin e aftësive të individëve, organizatave dhe institucioneve, që të jenë konkurruese nëpërmjet inovacionit, sipërmarrjes dhe ndërkombëtarizimit.
Ky takim zhvillohet në vazhdën e aktiviteteve të rritjës së ndërgjegjësimit dhe rritjes së kapaciteteve me aktorë të ndryshëm lidhur me ekonominë qarkulluese.
Kriza aktuale shëndetësore dhe ekonomike pas shpërthimit të Covid-19 treguan edhe një herë rëndësinë e një ekonomie të gjelbër dhe modeleve të pastra të biznesit. Kjo krizë hodhi më shumë dritë në rëndësinë e Planit të Veprimit të BE-së për Ekonominë Qarkulluese dhe mbështet aktivitetet e kryera nga QAK në Shqipëri, me qëllim ngritjen e vetëdijes për ekonominë qarkulluese.
Objektivat e takimit: Prezantimi i progresit të projektit; prezantimi dhe diskutim i raportit kërkimor të bërë nga QAK me publikun e gjerë dhe NVM-të, me qëllim matjen e nivelit të njohurive dhe ndërgjegjësimit mbi Ekonominë Qarkulluese, pengesat dhe mundësitë e perceptuara; angazhimi i aktorëve në diskutim me qëllim ndarjen e perspektivave të tyre mbi Ekonominë Qarkulluese; dakordësimi mbi follow-up me aktorët e interesuar dhe krijimi i një rrjeti bashkëpunimi për ekonominë qarkullluese sipas modelit katër helikësh (Quadruple Helix Model)
Pjesëmarrësit: Takimi do të sjellë së bashku përfaqësues të institucioneve qendrore e vendore, të shoqërisë civile, të sektorit privat, nga organizatat partnere ndërkombëtare, akademia, si dhe përfaqësues të huaj.
Programi
10.00 – 10.30
Regjistrimi i pjesëmarrësve
10.30 – 11.30
Hapja e aktivitetit
- Diskutim në panel: “Ekonomia Qarkulluese nga perspektiva e aktorëve dhe rëndësia e krijimit të rrjetit të bashkëpunimit sipas modelit katër helikësh (qeverisja, NVM-të, akademia, OSHC-të)”
- Prezantimi i programit dhe objektivave të projektit
- Fjalët e mirëseardhjes
11.30 – 12-30
- Diskutim i hapur
- Përmbledhje e sesionit dhe dakortësimi mbi aktivitetet e ardhshme
- Prezantim dhe diskutim i raporteve kërkimore të projektit
12.30 – 13.00
Dreka
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
