Një vaksinë e vetme mund të mos jetë e mjaftueshme për të mposhtur virusin SarsCoV2 dhe do të duhet të bashkohet me ”armë” të tjera, në veçanti antitrupat monoklonal: ilaçe të afta për të neutralizuar virusin duke shkatërruar armën e tij kryesore, d.m.th proteinën Spike, që ajo përdor për sulmuar qelizat. Ky konkluzion u arrit nga studiuesit Mary Marovich dhe John R. Mascola, të Institutit Amerikan për Sëmundjet Infektive (NIAID) i drejtuar nga Anthony Fauci dhe Myron S. Cohen, nga Universiteti i Institutit të Karolinës së Veriut për Sëmundjet Infektive në Chapel Hill.
Deri më tani, ekspertët vërejnë se antitrupat monoklonalë kanë marrë pak vëmendje, por “kanë potencial për aplikime terapeutike dhe parandaluese dhe mund të ndihmojnë në udhëheqjen e hartimit dhe zhvillimit të vaksinave”. Kërkimi i barnave që ndihmojnë në mbështetjen e imunitetit dhe për të përballuar virusin deri sa të vijë vaksina është një domosdoshmëri, por nuk përjashtohet që vaksinat mund të kenë nevojë për mbështetje.
Shumë pak dihet, në fakt, mbi reagimet e sistemit imunitar të njeriut ndaj koronavirusit dhe kjo gjë është pasqyruar në një artikull të fundit botuar në revistën Nature Medicine, e cila ka treguar sesi antitrupat ndaj SarsCoV2 fillojnë të ulen rreth tre muaj pas infeksionit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
