Lançimi i iPhone 12 mund të shtyhet për shkak të një problemi me ekranet OLED. Sipas një raporti që vjen nga Koreja, prodhuesi i ekraneve OLED BOE i Apple nuk ka përmbushur dot standardet e teknologjisë OLED në aspektin e cilësisë.
Ekranet e prodhuara prej BOE duhej të aplikoheshin tek iPhone 12 5.4-inç dhe iPhone 12 Max 6.1-inç të cilët do t’i hapnin rrugë implementimit të një skaneri të shenjave të gishtërinjve nën ekran për herë të parë në një iPhone.
Raporti nuk tregon nëse dështimi i BOE në standardet e ekraneve OLED ka ndikuar në axhendën e debutimit të Apple iPhone 12. Në të kaluarën Apple ka përdorur teknologjinë e ekraneve të Samsung si furnizuesi i vetëm për iPhone.
Lexoni: Sony prezanton PlayStation 5, sjell risi në video-lojëra
Kompania e iPhone për të reduktuar influencën e Samsung tek iPhone vendosi të shikonte tek një tjetër prodhues si BOE për ekranet e modeleve jo-Pro.
BOE është lider botëror në prodhimin e ekraneve Liquid Crystal dhe ofron ekrane për iPad dhe MacBook. Që prej vitit të kaluar është duke zhvilluar një ekran OLED fleksibël për modelet më të lira të Apple.
Të katër modelet e spekuluara të iPhone 12 të cilët janë modeli 5.4-inç iPhone 12, 6.1-inç iPhone 12 Max, 6.1-inç iPhone 12 Pro dhe 6.7-inç iPhone 12 Pro Max do të vijnë me ekrane OLED dhe procesorin A14. Secili prej tyre do të vijë me teknologjinë 5G.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
