Pandemia ka ndryshuar mënyrën e komunikimit mes mjekëve të familjes dhe pacientëve. Dikush zgjedh thirrjet telefonike, dikush sms, mesazhe në whatsapp apo email për të treguar histori klinike dhe për të kërkuar këshilla dhe përfitime, sipas një sondazhi të kryer nga ”Inovacioni Digjital” i Shkollës së Menaxhimit të Politecnico di Milano në bashkëpunim me Qendrën e Studimit Fimmg (Federata Italiane e Mjekëve të përgjithshëm).
97% e mjekëve të intervistuar raportuan se aktiviteti mbi të cilin pati impakt më të madh ishte ai i konsultimit telefonik. 84% treguan një ndikim shumë të lartë në përdorimin e ‘multichannel’. Sipas anketës, të realizuar në një kampion prej 740 praktikantësh të rastësishëm, lindi nevoja për platforma bashkëpunimi si Zoom, Team, Skype (nga 4% para pandemisë në 38 %) dhe platformave të dedikuara të komunikimit.
Me pak fjalë, 95% e mjekëve të përgjithshëm i shohin burimet e telemjekësisë si përgjigje për të menaxhuar gjendjet shëndetësore dhe kronike në skenarët post-Covid. Një zgjidhje për të cilën vlerësohet se ka shumë interes për profesionin: 88% e mjekëve dëshiron të përdorë telekonsultimin me specialistët, 60% telebashkëpunimin (mjekë familjar-specialist-pacient), 74% burimet e destinuara për teleshëndetësinë , ndërsa 72% për teleasistencën. “Ne e kuptuam qartë se si ndodhi përshtatja e papritur e profesionit”, shpjegon Paolo Misericordia, drejtuesi i Qendrës së Studimit ”Fimmg”.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
