Kreu i qeverisë, Edi Rama ka bërë të ditur se, nga java e ardhshme do të ketë masa të reja për COVID-19. Rama theksoi se, kjo ishte fundjava e fundit me kufizime sa i takon bizneseve ndërsa për lëvizjen me automjete u shpreh se do të mbeten në fuqi dhe për dy fundjavat e ardhshme.
Duke nisur nga 1 qershori, kufijtë tokësorë me vendet fqinje do të hapen për të gjithë shqiptarët e Kosovës, Maqedonisë dhe Malit të Zi, pavarësisht pasaportës që mbajnë. Rregullat e reja i njoftoi kryeministri Edi Rama, përmes një komunikimi në Facebook.
Lexoni: Legalizimi i kanabisit mjeksor krijon më shumë dëm se sa të ardhura, sipas Gjergj Buxhukut
Transporti publik do të hapet pjesë-pjesë dhe qeveria do të ketë gati strategjinë deri në fund të muajit maj. “Do e reformojmë tërësisht këtë sektor, me pjesmarrjen direkte të shtetit në garantimin e standarteve të reja, jo vetëm për ruajtjen e shëndetit sot, por edhe rritjen e ndjeshme të cilësisë së shërbimit urban dhe ndërurban.” – tha kreu i qeverisë.
Plazhet do të hapen nga 1 qershori vetëm për hotelet dhe nga data 10 qershor për të gjithë qytetarët.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
