Pas një rritje të shpejtë të konsumit të lajmeve gjatë krizës COVID-19, më shumë njerëz në Britaninë e Madhe tani thonë se po përpiqen të shmangin lajmet – arsyeja më e zakonshme janë shqetësimet, që shkaktojnë lajmet në gjendjen shpirtërore të tyre.
Për një numër në rritje të njerëzve, mprehtësia e pafund e lajmeve, që ata shohin dhe dëgjojnë është e tepërt, sipas hulumtimeve të bëra nga Instituti Reuters për Studimet e Gazetarisë në Universitetin e Oksfordit.
Rreth 59% e të anketuarve në javën e dytë të majit thanë se ndonjëherë i shmangin qëllimisht lajmet, krahasuar me 49%, që thanë të njëjtën gjë në mes të prillit. Rreth 22% e njerëzve thanë që ata shpesh ose gjithmonë përpiqen të shmangin lajmet (nga 15% në mes të prillit).
Vetëm 20% e njerëzve thanë se asnjëherë nuk kërkojnë të shmangin lajmet, në mënyrë të qëllimshme.
Shumica dërrmuese e njerëzve (86%), të cilët gjithmonë ose shpesh shmangin lajmet e bëjnë këtë për të shmangur raportimin për pandeminë të paktën për disa kohë. Shumica e këtyre njerëzve thanë se janë kryesisht të shqetësuar për efektin që lajmi ka në humorin e tyre (66%). Një e treta (33%) mendojnë se ka shumë lajme dhe 28% thanë se i shmangin ato sepse mendojnë se nuk ka asgjë, që mund të bëjnë me informacionin e transmetuar.
Lexoni: Zelanda e Re drejt hapjes, propozohet java e punës 4-ditore
Nga ata që thanë se shmangin lajmet qëllimisht, një e treta e të anketuarve (32%) thanë se i shmangin sepse nuk u besojnë lajmeve; kjo arsye u shpreh nga 49% e këtyre njerëzve, që e përshkruanin veten si krahu i djathtë.
Shmangia e lajmeve është përhapur në mënyrë të barabartë në grupe të ndryshme sociale. Studiuesit gjetën vetëm dallime të vogla bazuar në të ardhura, arsim dhe pikëpamje politike.
Por kishte disa dallime në moshë dhe gjini. Ata të moshës nga 25 deri në 44 vjeç kanë më shumë të ngjarë të thonë se gjithmonë ose shpesh shmangin lajmet (28%) sesa të rriturit nën 25 vjeç (19%) dhe mbi 45 (19%).
Gratë kanë më shumë gjasa të shmangin lajmet (26%) sesa burrat (18%), për të cilët studiuesit thonë se rritin “pabarazitë gjinore në përdorimin e lajmeve”.
Rreth një e treta e njerëzve të anketuar (30%) mendojnë se situata e COVID-19 në Britaninë e Madhe po shkon në drejtimin e duhur (nga 35% në mes të prillit). Numri i njerëzve, që besojnë se vendi është në rrugën e gabuar është dyfishuar që nga mesi i prillit nga 10% atëherë në 20% tani. Më pak se gjysma (45%) thanë se besojnë se situata e paraqitur është një miks.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
