Ish-deputeti demokrat dhe sipërmarrësi Agron Shehaj do t’i dhurojë 2 respiratorë spitalit Shefqet Ndroqi, për të ndihmuar mjekët në luftën kundër Covid-19.
Lexo: Koronavirus në Shqipëri. Kompanitë IT me punonjës në distancë. IDS me 1000 punonjës smart work
Gjatë një bisedë me gazetarin Blendi Fevziu në emisionin Opinion mbrëmjen e së mërkurës, Zoti Shehaj tha se i ka porositur respiratorët dhe se po punon që të vijnë sa më parë:
“Jam në kontakt me spitalin Shefqet Ndroqi dhe më thanë, që kanë nevojë të jashtëzakonshme për respiratorë. Respiratori sot bën diferencën mes jetës dhe vdekjes. Mjekët janë përballë zgjedhjes kë të shpëtojnë dhe kujt t’ia heqin respiratorin.
Kam vendosur t’i dhuroj 2 respiratorë në spitalin e Sanatoriumit. I kam porositur dhe jam duke u munduar që të vijnë sa më parë”, u shpreh zoti Shehaj.
Zoti Shehaj u bëri thirrje të gjithë atyre që kanë mundësi të kontribuojnë për të bërë të mundur blerjen e më shumë respiratorëve.
Përhapja e epidemisë edhe në Shqipëri po nxit sipërmarrësit të gjejnë zgjidhje të reja për punën. Sipërmarrësi Agron Shehaj, themelues dhe drejtues i kompanisë IDS, e cila kryen disa shërbime teknologjike për tregje të ndryshme ka vendosur të angazhojë punonjësit nga shtëpia.
Lexo: Bëhuni pjesë e nismës Adopto një Gjysh/e
Ai theksoi që në fillim se, “e vetmja mënyrë që të pengohet një epidemi e mundshme është qendrimi i njerëzve brenda, i të gjithëve, dhe dalja vetëm për nevoja të domosdoshme, si blerje a ushqimeve dhe ilaçeve. Kjo nuk duhet të jetë zgjedhje e lirë, por detyrim”!
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
