Megjithëse maturantët do të vazhdojnë mësimin online për një afat të pacaktuar, Ministrja e Arsimit theksoi se provimet e maturës nuk do të shtyhen.
Ministrja Besa Shahini, përmes një videomesazhi në rrjetin social “Facebook” ka njoftuar maturantët se do të mbahen të gjitha provimet kombëtare.
Ministrja shprehet se ato nuk do të zhvillohen vetëm nëse vazhdon izolimi deri në qershor apo korrik.
Këtë skenar, Shahini e sheh si të pamundur, por edhe nëse ndodh, ajo shprehet se do të merret një vendim tjetër.
Lexoni: Besa Shahini: Mësimi online do të vazhdojë
“Unë besoj se tashmë jemi qartësuar të gjithë se provimet do të mbahen. E vetmja arsye që do të bënte të mos mbaheshin provimet është nëse qëndrojmë të izoluar deri në qershor apo korrik. Kjo nuk e besoj se do të ndodhë, por edhe nëse ndodh, atëherë do të marrim një vendim tjetër. Deri atëherë, duhet të llogarisim se provimet kombëtare do të bëhen. Ne thjesht do të sigurohemi që temat të cilat nuk jemi të sigurtë se janë zhvilluar aq sa duhet në kushte shtëpie të mos jenë të vendosura në formë pyetjesh në testin kombëtar”, sqaron ministrja Shahini, përmes video-mesazhit.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
