Departamenti Amerikan i Shtetit ka shtyrë afatin për dhënien e përgjigjeve të Lotarisë Amerikane, për shkak të krizës së shkaktuar nga Covid-19.
“Për shkak të pandemisë aktuale të koronavirusit, dalja e përgjigjeve për fituesit e Lotarisë Green Card DV-2021 do të shtyhet për një muaj, deri në qershor”, shkruhet në njoftimin e website-t zyrtar të GreenCard.
Rezultatet ishin planifikuar të bëheshin me dije më 5 maj, por tani do të publikohen më 6 qershor.
DASH thotë se nëse keni marrë pjesë në lotarinë DV-2021, nuk keni nevojë të shqetësoheni për asgjë. Gjithçka çfarë duhet të bëni është të prisni një muaj tjetër.
Lexoni: Elon Musk synon që SpaceX të lançojë gjeneratën e ardhshme të teleskopëve hapësinorë
Nuk do të ketë ndryshime thelbësore, pasi edhe në të kaluarën ka patur vonesa për arsye të ndryshme.
Çdo vit, rreth 50,000 mijë persona nga vende të ndryshme të botës fitojnë kartën jeshile përmes lotarisë. Gjatë një viti, 5 përqind e emigrantëve hyjnë në SHBA si fitues të lotarisë amerikane.
Pjesa më e madhe e shqiptarëve, që emigrojnë në SHBA përzgjidhen përmes programit të lotarisë. Vitet e fundit numri i aplikantëve shqiptarë është rritur ndjeshëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto