Telekom Albania i ka besuar gjigantit Erikson modernizimin e rrjetit të transmetimit. Një projekt me vlerë investimi rreth 170 milionë euro është lancuar në Tiranë.
Një marrëveshje e konceptit “One Vision” parashikon një plan investimi për rrjetin dhe teknologjinë e informacionit të Telekom Albania. Plani 5 vjeçar i investimeve u bë i ditur në një takim të bordit të drejtorëve.
Telekom ndërmerr transformimin e thellë teknologjik e operacional të Telekom Albanian, duke e mbështetur këtë projekt me një investim prej 170 milionë euro. Bashkëpunimi me Ericsson është rrënjësor në këtë proçes transformues.
Sipas përfaqësuesve të kompanisë, Ericsson do të rrisë kapacitetet e Telekom Albania në nivelin GIGABIT LTE, duke u përgatitur për teknologjinë 5G, përmes pajisjeve të reja të transmetimit Ericssson.
Drejtori Ekzekutiv i Telekom Albania Emil Georgakiev tha se, “ne besojmë se rinovimi i plotë i rrjetit dhe modernizimi i tij është mënyra e duhur për ta filluar këtë udhëtim. Ne synojmë t’i sigurojmë një përvojë superiore klientit. Eksperienca ndërkombëtare e Ericsson na bën të besojmë se projekti do të finalizohet në kohë me cilësi absolute”. Ky bashkëpunim në investime pritet të sjell ndikim të madh në nivel kombëtar, por edhe ndërmjet bizneseve.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
