Jack Ma, themeluesi i Alibaba (BABA) dhe njeriu më i pasur i Kinës, ka dhuruar 100 milionë juan (14.4 milionë dollarë) përmes fondacionit të tij, për të mbështetur kërkimet në gjetjen e një vaksine për koronavirusin Wuhan.
Miliarderi ka caktuar 40 milionë juan (5.8 milion dollarë) për dy organizata kineze kërkimi të qeverisë, sipas një postimi në mediat sociale nga fondacioni Jack Ma.
Pjesa tjetër e fondeve do të përdoret për të mbështetur masat “parandaluese dhe trajtuese”, tha fondacioni.
Dhurimi vjen pas njoftimit të bërë javës së kaluar nga Alibaba mbi krijimin e një fond prej 1 miliard juan (144 milion dollarë) për të blerë pajisje mjekësore për provincën Wuhan dhe Hubei, epiqendrat e shpërthimit të virusit.
Kompania po dhuron ndërkohë edhe pajisje kompjuterike me inteligjencë të lartë artificiale për organizatat kërkimore shkencore, për të mbështetur kërkimin për një vaksinë apo trajtime të mundshme.
Alibaba është njëra nga shumë kompanitë kineze të teknologjisë që po dhurojnë fonde për përpjekjet e trajtimit të koronavirusit, sipas gazetës shtetërore China Daily.
Shkencëtarët në Shtetet e Bashkuara dhe Kinë po punojnë për një vaksinë.
Por, mund të kalojë më shumë se një vit derisa të vihet në dispozicion një vaksinë, sipas Dr. Anthony Fauci, drejtor i Institutit Kombëtar të Alergjisë dhe Sëmundjeve Infektive të SH.B.A.
Virusi ka vrarë të paktën 132 njerëz, me gati 6.000 raste të konfirmuara në territorin e Kinës. Më shumë se 80 raste janë konfirmuar jashtë territorit kinez, përfshirë në Shtetet e Bashkuara dhe Australi.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
