Një nga disavantazhet e Android në të qenit një sistem operativ i hapur, është se zhvilluesit mund të prishin eksperiencën thelbësore të sistemit. E tillë si reklamat që shfaqen në home screen të celularit.
Ato janë gjithmonë të bezdisshme dhe askush nuk i do ato, për më tepër jashtë një aplikacioni. Për këtë, Google ka ndaluar aplikacionet, të cilët tentojnë të shfaqin reklama kudo.
Android Police vuri re se Google ka bërë ndryshime tek Developer Policy Center. Aty specifikohet se si duhet të funksionojnë aplikacione për sistemin e saj.
Nën seksionin “Lockscreen Monetization” citohet:
“Përveç disa rasteve të veçanta, aplikacionet nuk duhet të shfaqin reklama apo materiale të tjera monetizuese në lockscreen”
Lexoni: Android Auto vs. Apple CarPlay. Estetika kundër funksionalitetit
Ky përditësim i politikave, do ti kushtojë goxha kohë zhvilluesve të cilët do duhet të ristrukturojnë aplikacionet e tyre.
Kështu aplikacione si ES File Explorer apo Hotspot Shield VPN, nuk do të mund të shfaqin reklama si më parë.
Ky ka qenë një nga problemet më të mëdha për përdoruesit e Android. Sa vjen e numri i aplikacioneve rritet. Bashkë me të, edhe numri i personave të cilët i krijojnë ato. Në këtë situatë, është thuajse e pashmangshme që cilësia dhe rregullsia e aplikacioneve të jetë në nivelin e duhur.
Shpesh këto reklama kanë qënë lehtësisht të injorueshme. Por në disa raste një klikim aksidental i tyre ka bërë të mundur vjedhjen e shumë të dhënave personale.
Kjo politikë e re do t’a përmirësojë së tepërmi eksperiencën dhe sigurinë e përdoruesve të sistemit Android. Por janë disa raste të cilat bëjnë përjashtim. Këta janë përdoruesit me smartphone që vijnë me Amazon special offers.
Burimi: Mashable
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
