Gjermania planifikon të taksojë multimilionerët. Në bashkëqeverisje, socialistë e demokratë po kërkojnë të vendoset një taksë pasurie për multimilionerët dhe miliarderët.
Sipas përfaqësuesve të parlamentit objektivi është që të ardhurat shtesë të shkojnë për investime publike.
Thorsten Schaefer-Guembel tha në një dalje publike se, komiteti ekzekutiv i partisë SPD ka miratuar propozimin për një taksë pasurie 1% për asete si prona, pasuritë e paluajtshme, aksionet e kompanisë dhe paratë cash.
Taksa e pasurisë e kundërshtuar nga Angela Merkel synon të zbatohet tek qytetarët gjermanë me pasuri mbi 2 milionë euro.
Në një vit një taksë e tillë synon të sigurojë 10 miliardë euro. Si në shumë shtete të tjera, edhe në Gjermani, pasuria private është e përqëndruar në një pjesë shumë të vogël të popullsisë. Sipas të dhënave zyrtare të vendit, një e katërta e aseteve totale neto, u përket vetëm 1 % të familjeve më të pasura në Gjermani.
Lexo: 10 kategoritë që nuk do të paguajnë taksën e shtëpisë
Kjo është një politike që do t’i vlente edhe vendit tonë, pasi të dhënat zyrtare flasin për një përqëndrim të pasurisë në vetëm pak familje. Ndërkohë, në vend taksat janë fokusuar tek personat e familjet me të ardhura mesatare dhe pjesa më e madhe e objekteve publike po ndërtohen me koncesione në formën e Partneritetit Publik-Privat. Praktikisht, investime që do të paguhen në të ardhmen nga ne dhe fëmijët tanë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto
