Ka shumë mënyra për t’u bërë të suksesshëm si një sipërmarrës, por pa marrë parasysh se çfarë rruge zgjidhni, është me rëndësi jetike që gjithmonë të vazhdoni të mësoni. Për të qëndruar aktivë dhe të motivuar, është e rëndësishme të bëjmë një angazhim të përjetshëm në edukim dhe rritje.
Kjo nuk do të thotë domosdoshmërisht që ju duhet të ktheheni në shkollë, por duhet të vazhdoni të mësoni nga të tjerët, nëpërmjet formave të ndryshme të mediave dhe botës rreth jush. Më poshtë janë disa nga arsyet kryesore pse.
- Të vazhdoni të gjeneroni ide të reja
Çfarë mund t’a frymëzojë idenë tuaj të ardhshme? Është e vështirë të thuhet, por një ide e madhe natyrisht që nuk do të vijë duke qëndruar ulur para televizorit apo duke luajtur video lojëra. Nëse vërtet doni të ftoni frymëzim në jetën tuaj, angazhohuni për të mësuar diçka të re çdo ditë duke lexuar libra, duke dëgjuar podkaste, duke qëndruar të përditësuar me lajmet ose duke ndjekur burime që mund t’ju ekspozojnë ndaj ideve dhe koncepteve të reja. Me kalimin e kohës, do të filloni të grumbulloni një bibliotekë mendore të informacionit që do t’ju ndihmojë të vazhdoni të jeni krijues.
- Për të ruajtur pasionin tuaj
Secili nganjëherë ndihet se puna e tyre është bërë e përditshme dhe të mësuarit është çelësi për të mbajtur pasionin të gjallë përgjatë një kohe të gjatë. Pra vazhdoni, fiksohuni me industrinë tuaj. Lexoni libra nga liderët e mëdhenj, ndiqni podkastet në fushën tuaj dhe ndiqni personazhet kryesore në mediat sociale.
- Për të bërë biseda më të mira
Doni të bëheni njerëz më interesantë? Nëse po, interesohuni. Jo vetëm në njerëzit me të cilët ju flisni, por edhe në ide e tema të ndryshme. Sa më shumë që të mësoni, aq më shumë gjëra do të jeni në gjendje t’i diskutoni me njerëz të tjerë. Kur jeni të interesuar rreth fushave të ndryshme, ju jeni në gjendje të lidheni më thellë me një shumëllojshmëri më të gjerë njerëzish, gjë që mund të rezultojë në mundësi dhe bashkëpunime që mund ta zhvillojnë karrierën tuaj.
- Për të larguar mërzinë
Kur ju nuk gjeni kohë për të mësuar, është e lehtë të bëheni dembelë ose të mërzitur. Kush e dëshiron këtë? Unë jo. Magjepsja me një temë të veçantë mund të jetë tërheqëse dhe emocionuese.
- Për një balancë më të mirë të punës dhe jetës
A jeni duke kaluar nëpër kohë të vështira? Mësimi mund t’ju ndihmojë. Kur bëni një pushim nga puna e zellshme për të mësuar diçka të re është si një pushim për trurin tuaj nga jeta e planifikuar. Kjo mund t’ju ndihmojë t’i braktisni zakonet e këqija. Dhe pastaj kur të ktheheni në punë, do të punoni me një perspektivë më të mirë dhe një ndjenjë të ripërtërirë të energjisë që mund t’ju ndihmojë të jeni më efektiv.
- Për shëndetin tuaj
A e dini se të mësuarit e vazhdueshëm mund t’ju ndihmojë të jetoni më gjatë? Përfitimet janë të panumërta dhe më të ndryshme se sa mund të mendoni. Për shembull? (Aftësi të tilla si të mësuarit e një instrumenti mund të ndihmojë në përmirësimin e kujtesës.) Pra, duke pasur parasysh përfitimet jo vetëm për karrierën tuaj por edhe për mirëqenien tuaj të përgjithshme, mos prisni: mësoni diçka të re çdo ditë.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
