Gjigandi i veshjeve sportive gjermane ka lançuar disa versione te reja të atletes UltraBoost të bëra nga plastika e gjetur në oqean. Ai bashkëpunoi me Parley for the Oceans, një iniciativë mjedisore për të krijuar atleten.
“Me produktet e Adidas të bëra nga plastika e ricikluar, ne u ofrojmë konsumatorëve një vlerë të shtuar përtej pamjes, funksionalitet dhe cilësi produkti, sepse çdo atlete është një kontribut i vogël për të ruajtur oqeanet tona”, tha gjatë një deklarate Eric Liedtke anëtar i bordit ekzekutiv. “Pas një milion atleteve të prodhuara në vitin 2017, 5 milionë në vitin 2018, ne planifikojmë të prodhojmë 11 milionë atlete nga plastika e oqeaneve për vitin 2019”.
Lexoni: Reklama më e mirë e Adidas e bërë nga një student gjerman
Çdo këpucë përkthehet në 11 shishe plastike.
Ky është një tjetër qëllim mjedisor nga kompania. Adidas po bashkëpunon me 40 firma të tjera për të adresuar ndryshimet klimaterike dhe impaktin që kjo sjell në sektorin e modës.
“Qëndrueshmëria në Adidas shkon përtej plastikës së ricikluar”, tha anëtari i bordit ekzekutiv Gil Steyaert gjatë një deklarate. “Ne gjithashtu vazhdojmë të përmirësojmë performancën tonë mjedisore gjatë prodhimit të produkteve. Kjo përfshin edhe përdorimin e materialeve të qëndrueshme, reduktimin e çlirimit të CO2 dhe parandalimin e ndotjes. Vetëm në vitin 2018, ne kemi ruajtur më shumë se 40 ton mbetje plastike në zyrat tona, depot, pikat e dyqaneve dhe qendrat e shpërndarjes në të gjithë botën dhe i zëvendësuam ato me zgjidhje më të qëndrueshme”.
Lexoni: Adidas me një trend të ri
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
