Laika, LinkedIn i Ballkanit

Lëvizja e punonjësve në industrinë teknologjike është e madhe. Kompanitë nuk janë në gjendje të gjejnë njerëz për vendet bosh për muaj të tërë, ndërsa profesionistët e teknologjisë janë gjithmonë në kërkim të një pune që ata vërtetë dëshirojnë. Ata nuk janë të impresionuar nga paratë, por nga projektet sfiduese, nga mundësia e rritjes, nga etika e mirë e punës dhe ekipi.

Një ekip prej 12 zhvilluesish, sipërmarrësish serialë, marketerësh, dizajnerësh dhe entuziastësh nga IMPACT nga Shkupi dhe Ballkani vijnë me Laika. Laika është një startup i ri në Ballkan që përpiqet të bëjë një ndryshim dhe të zgjidhë përpjekjet për talentet dhe punëdhënësit. Zgjidhja e tyre është një platformë e zgjuar që bën bashkë talentet e teknologjisë me kompani të ndryshme bazuar në aftësitë, preferencat dhe kompetencat e tyre.

Si funksionon Laika?

Ju mund ta përdorni platformën krejtësisht pa pagesë. Platforma garanton 100% anonimitet derisa të shihni se kush dëshiron t’ju ofrojë një pozicion pune dhe në çfarë kushtesh. Ju shkruani në platformë aftësitë që keni, vendosni pagën, pozicionin, llojin e punësimit, teknologjitë me të cilat punoni, vendin ku doni të punoni (diku në Ballkan ose nga shtëpia) dhe më pas kompanitë mund të lidhen me ju dhe anasjelltas.

Në Laika, kompanitë do të kenë mundësi të lidhen me talente nga 4 vendet e Ballkanit (Serbia, Maqedonia, Bullgaria dhe Kroacia). Kompanitë do të jenë në gjendje të paraqesin ekipin, kulturën, zyrat, teknologjitë dhe projektet. Ata do të kenë një shans për të prezantuar kompaninë dhe të tregojnë se janë vendi i preferuar për të punuar edhe për punëkërkuesit pasivë.

Kush përdor Laika?

Ekzistojnë aktualisht 30 kompani që testojnë produktin dhe vetëm 100 kompani do të përzgjidhen për t’u bashkuar në fazën e hershme. Drejtore Ekzekutive e Laika- Aleksandra Janakievska, bëri bashkë një ekip të motivuar për të transformuar Ballkanin. Pas 2 vitesh të suksesshme në Brainster, ku ajo ishte CMO, instruktore marketingu dhe mentore karriere për studentët, ajo vendosi të fokusohet në tregun e punës. “Ka kaq shumë probleme kritike që duhet të zgjidhen dhe ndoshta kjo nuk është më e rëndësishmja, por kur të gjendet problemi, duhet ta keni çështjen në duart tuaja. 

burimi: DigitalSpoiler