Mali i Zi po përdor një strategji interesante për të tërhequr investimet e huaja.Prej më pak se një viti, është lancuar mundësia e marrjes së pasaportës nga investitorët, nisur nga një shumë minimale (kusht për investim). Vendimi ka hyrë në fuqi këto ditë të para janari.
Shtetësia mund të përfitohet duke paguar të paktën 450,000 euro me qëllim të investimit në një projekt zhvillimi në Podgoricë dhe në rajonin bregdetar, ose 250,000 euro në pjesën veriore apo qendrore të Malit të Zi.
Qytetaria ekonomike mund të merret nga investitorë që shpenzojnë minimalisht 100 mijë euro në financimin e komunitetit lokal më pak të zhvilluar.
Paratë parashikohet të shkojnë për të financuar infrastrukturën në komunat më pak të zhvilluara, kryesisht në veri të vendit. Një autoritet i pavarur do të monitorojë pagesat dhe investimin e tyre.
Përmes kësaj forme pritet të jepen deri në 2000 shtetësi dhe me këtë program Mali i Zi mund të renditet mes vendeve më konkurruese në tërheqjen e investimeve të huaja në Europë.
Mali i Zi prej vitesh është aktiv në tërheqjen e investimeve të huaja, kryesisht në turizëm.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
