Banka Europiane për Rindërtim e Zhvillim do të zhvillojë një trajnim të dedikuar për menaxhimin e një kompanie konsulence në datat 29-30 Tetor 2018 dhe 20-21 Nëntor 2018.
Trajnimi u kushtohet konsulentëve, të cilët kanë si përgjegjësi të realizojnë ndryshimet organizative brenda kompanive, përmes zbatimit të projekteve të tyre konsultuese. Ky trajnim do të rrisë aftësitë e konsulentëve për të përmbushur kërkesat e klientëve, përmes sigurimit të mjeteve, metodologjive dhe proceseve për menaxhimin e ndryshimeve në projektet e tyre konsultuese.
Ekspertët e BERZH bëjnë të ditur se, ata që marrin pjesë do të kenë mundësinë të ndajnë përvojat e tyre me konsulentë të tjerë lokalë dhe të zhvillojnë një rrjet profesional. Trajnimi do të zhvillohet në gjuhën angleze dhe organizohet në partneritet me Rrjetin Shqiptar të Këshillimit (Albanian Consulting Network), ACN.
Trajnimi zhvillohet në katër ditë dhe kushton 256€.
Për më shumë informacion rreth këtij trajnimi kontaktoni në numrat e kontaktit 04-2259439 / +355692060856 ose me email në knowhowalbania@ebrd.com; prengae@ebrd.com. Afati i fundit i regjistrimeve është deri në datë 23 Tetor 2018, numri i pjesëmarrësve është i kufizuar.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
