Karriera, puna, familja, miqtë, shumë “kunguj” për një person të vetëm. E ndërsa nxitojmë të ecim përpara, të përmbushim çdo objektiv, të rritemi në detyrë, të rrisim të ardhurat në biznes, etj, më në rrezik është mirëqenia jonë që bazën e ka tek të ushqyerit.
Përmes një cikli intervistash me kuzhinierë, sipërmarrës në fushën e kulinarisë, Businessmag.al, do t’ju sjellë këshilla për një ushqyerje më të shëndetshme, çfarë duhet të kemi kujdes, e si duhet t’i orientojmë sjelljet tona.
Ja 5 faktorët për të pasur një ushqyerje më të mirë, sipas Maurizio Cantalini, sipërmarrës i Vita 99, në Tiranë, mbi 20 vite përvojë në këtë fushë .
- Përbërësit. Duhet të jenë sa më të freskët dhe sa më të shendetshëm për trupin tonë.
- Cilësia. Një gatim, përveç dashurisë, brenda duhet të ketë edhe cilësinë. Të jetë e ndërtuar nga produkte sa më cilësore.
- Pastërtia. Që nga pastërtia e vetë produktit e deri tek higjiena jonë personale në momentin që gatuajmë por edhe kur ulemi për t’u ushqyer.
- Profesionaliteti dhe organizimi. Në momentin që flasim për një ushqyerje të mirë në ambjente si restoranti, stafi duhet të tregojë një profesionalitet dhe organizim në nivele të larta, pasi ndryshe produkti i punes finale nuk do të ketë atë “shkëlqim” qe klienti pret.
- Thjeshtësia. Mbi të gjitha, nëse duam të ushqehemi mirë, duhet të ushqehemi “thjeshtë”. Thjeshtësia e pjatës, e produkteve, thjeshtëisa e pasioni i mënyrës që ne përgatitim ushqimin luajnë një rol kyc.
Punoi: Kostandin Feshti
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto