Tirana si San Francisko, Piramida një ‘Silicon Valley’ që garanton zhvillim.
Në prezantimin e projektit ka marrë pjesë kryetari i bashkisë Erion Veliaj së bashku me kryeminstrin Edi Rama dhe Michael Granoff, Drejtor i bordit të Fondit Shqiptaro-Amerikan të Zhvillimit (AADF).
Piramida do të jetë qendra më e madhe multifunksionale për të rinjtë, e fokusuar kryesisht në arsimimin dixhital, por dhe art e kulturë sipas modelit “TUMO”.
Gjatë fjalës së tij z. Granoff tha se: “Ky projekt pasqyron të ardhmen e Shqipërisë, e nëse fëmijët kanë akses në projekte të tilla ata e kanë më të lehtë të realizojnë ëndërrat e tyre, duke bërë punë me potencial të madh për vendin. Mungesa e projekteve lidhur me teknologjinë për fëmijët pas shkollës ishte një shtysë për realizimin e kësaj nisme.”
Me një fokus të veçantë tek tekonologjia e informacionit, ku fëmijët e moshës 5-18 vjeç të kenë mundësi të mësojnë teknologjinë me mbështetjen e “Fondit Amerikan të Zhvillimit” dhe qendrës “TUMO,” piramida do të jetë një shkollë novatore për software, design, kinema, film, fotografi, montazh dhe shumë prej proceseve të tjera.
Menaxhimi do të jetë i pavarur nga bashkia e Tiranës dhe do të ketë një strukturë menaxhuese përbërë nga 12 artistë.
Fotot më poshtë tregojnë vizionin e ri për Piramidën:
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
