- Jeni nën 40 vjeç dhe keni një ide biznesi në fushën e kulturës?
- Dëshironi të investoni në trashëgiminë kulturore të vendeve të Adriatikut?
Me Ecapital Culture – Adriatic Start Up School – Ideja juaj mund të shndërrohet në një biznes!
Ju do të keni mundësinë të zhvilloni dhe realizoni idetë tuaja përmes një kursi trajnimi dhe mbështetjes së eksperteve dhe sipërmarrësve ndërkombëtarë, tërësisht falas.
Aplikoni për të jetuar 2 muaj (17 Tetor – 16 Dhjetor 2016) pranë “La Mole Vanvitelliana” në Ancona, në kampusin e pare për ‘Start Up’ –Kulturore në makro-rajonin Adriatiko-Ionian. “THIRRJA PER IDE” përfundon me 15 shtator 2016.
Forma e aplikimit gjendet në: startupschool.ecapital.it
Fondacioni Marche, Dhoma e Tregtisë së Ankonës, Universiteti Politeknik i Marche, Qyteti i Ankonës, & Istao kane nisur Edicionin e dytë: THIRRJE PER IDE“ECAPITAL Culture Adriatic Start Up School” për krijimin e bizneseve të reja (Start Up) në fushën e kulturës në Makro-Rajonin Adriatiko-Ionian.
Me mbështetjen e Grupit Intesa Sanpaolo u mundësuan bursat e studimit për ndjekjen e kursit të trajnimit që nis në Shkollën e Start Up, në Ankona, për të gjithë fituesit e kësaj “Thirrje për Ide”. Kjo iniciativë u ofron pjesëmarrësve një eksperiencë edukimi me synim zhvillimin e Projekt Idesë së tyre të Biznesit në fushën e kulturës, me synim zhvillimin e trashëgimisë kulturore të zonës, duke e kthyer atë në një sipërmarrje.
20 studentë të vendeve të rajonit Adriatiko-Ionian: Shqipëri, Bosnjë-Hercegovinë, Kroaci, Greqi, Mali i Zi, Serbi, Slloveni, Itali do të nisin nga Ideja e Sipërmarrjes, në Projektimin e saj dhe fitimin e njohurive për zbatimin sa më të suksesshëm të Plan Biznesit të tyre të ri. Ky kurs edukimi, në gjuhën angleze, do të jetë i një niveli të lartë, shoqëruar me shembuj të historive të suksesit të rasteve konkrete në Europë,me fokus në çështje & fusha si: Vendet Arkelogjike, Arkitektura, Evente, Ushqimi, Performancat Live, Teatër, Filma, Muze, Muzikë, Botime, Parqe Tematike, Arte Vizive.
-Kohëzgjatja e Kursit: 2 muaj (17 Tetor – 16 Dhjetor 2016);
-Vendi: Mole Vanvitelliana, Ancona, Itali;
-Eshtë i mundur vetëm aplikimi online në website startupschool.ecapital.it
-Afati i fundit i aplikimeve është 15 Shtator 2016 në orën 12:00.
Intesa Sanpalo Bank Albania promovon iniciativat dhe bashkëpunimet që i hapin rrugën bizneseve të reja shqiptare, forcojnë kapacitetet e burimeve njerëzore në vendet e rajonit, dhe u japin një mundësi unike të rinjve me ide inovative biznesi, duke qenë një shembull i përkryer i bashkëpunimit ndër-rajonal, në respektim të kulturave lokale të secilit vend, me synim zhvillimin e njëkohshëm të rajonit në fushën e trashëgimisë kulturore e turizmit.
burimi: fax.al
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
