5 femrat më të pushtetshme të globit për 2016-n

Cilat janë femrat më të fuqishme në të gjithë botën për këtë vit?

Lidere të biznesit, sipërmarrëse, investitore, sipërmarrëse, filantropiste dhe CEO, femrat më të zgjuara dhe të forta, të cilat po lënë gjurmën e tyre në botë. Ato janë femra të cilat po ndërtojnë brande miliona-dollarëshe, duke kapur shanset në tregjet financiare, dhe duke i rënë përqark botës për të bërë marrëveshje dhe për të dhënë ndihma.

Arritjet e tyre janë të mrekullueshme në mënyrën e tyre, dhe aq më shumë bëhen të tilla kur bëhet fjalë për sektorë apo tituj pune të dominuar tradicionalisht nga meshkujt. Statistikat mbi femrat në pozicione të pushtetshme tregojnë për shifra të ulëta. Sipas statistikave më të fundit nga “Catalyst”, një organizatë jofitimprurëse që gjurmon barazinë gjinore në vendin e punës, femrat zënë vetëm 4% të zyrave në kompanitë S&P 500 (500 kompanitë e përfshira në indeksin e Standard & Poors) dhe mbajnë vetëm 25% të punëve drejtuese ose të nivelit të lartë në këto firma.

Për zgjedhjen e këtij viti të Lidereve Globale të 2016-s u përdorën 4 kritere (pasuria neto, të ardhurat e kompanisë ose GDP); prezenca në media, sferat e influencës; dhe impakti, analizuar edhe brenda kontekstit të fushave të secilës prej tyre (media, teknologji, biznes, filantropi, politikë dhe financë) dhe jashtë sferës së tyre.

Ja cilat janë 5 femrat më të pushtetshme të globit për 2016-n:

1- Angela Merkel, kancelarja gjermane e cila dominon për të 6-in vit rradhazi listën e femrave më me pushtet të planetit;

2- Hillary Clinton, kandidatja demokrate për President të SHBA-ve;

3- Janet Yellen, shefja e Rezervës Federale të SHBA-ve;

4- Melinda Gates, themeluese dhe drejtuese e Fondacionit “Bill & Melinda Gates”;

5- Mary Barra, CEO e General Motors që prej janar 2014.

/Forbes