Thonë se milioni i parë është i vështirë.
Në këtë artikull flitet për shifra marramendëse që njerëz të famshëm dhe të pasur kanë fituar në një ditë, si për shembull Oprah Winfrey, e cila ka bërë 71 milionë $ në një ditë, pasi përvetësoi 10 për qind të Weight Watchers dhe aksionet e saj kapën majat. Edhe Alphabet pati një rritje prej 5.6 përqind në aksione në një ditë të vetme Tetorin e shkuar dhe Larry Page dhe Sergey Brin fituan 2.5 miliardë $ dhe 2.4 miliardë $ secili.
Por ai i cili ua kalon atyre është Jeff Bezos.
Më 28 Prill vlera e një aksioni të Amazon u rrit nga 600 $ në 681.50 $. Fitimet e Bezos? Ai bëri 6 miliardë $ në 20 minuta. (Tetorin e kaluar, në të njëjtën ditë që Brin dhe Page bënë kaq para, Bezos bëri 2.9 miliardë $.)
E vështirë për t’u besuar, por çfarë mund të bësh me 6 miliardë $?
• Janë para mjaftueshëm qe Bezos, për shembull mund të shkonte në një ndeshje të ‘Seattle Mariners’ dhe t’i jepte çdo personi të pranishëm aty 125,000 $.
• Është përafërsisht GDP e kombit afrikan të Guineas (me 8 milionë njerëz).
• Janë 24 herë më shumë se sa ai pagoi për blerjen e ‘The Washington Post.’ (Ai bëri mjaftueshëm para për ta blerë mesatarisht në 49 sekonda.)
• Janë mjaftueshëm që të mund të blinte çdo model Tesla S të shitur vitin e kaluar 2 herë.
• Janë mjaftueshëm për të blerë Dallas Cowboys plus New York Yankees dhe Toronto Maple Leafs.
Tmerrësisht shumë para.
Po ju, sa fituat të Enjten e kaluar?
/Inc.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Kjo punë që e bëjmë me shumë dashuri nuk ka të paguar. Ne jemi platforma e vetme e cila promovon modelin pozitiv të sipërmarrjes së lirë. Përmes kësaj platforme mbështesim edukimin gjatë gjithë jetës si mjet për zhvillimin personal dhe profesional të brezave. Kontributi juaj do të na ndihmojë në vazhdimin e këtij misioni në gjithë trevat shqipfolëse.
Mund të kontribuoni KETU. Falemnderit.
