Të famshëm dhe fansa nga e gjithë bota i kanë bërë honorare Prince, superyllit të popit, pasi publicisti i tij konfirmoi vdekjen e tij në moshën 57-vjeçare të Enjten mbrëma.
Por markat, të cilat u përpoqën të merrnin pjesë në “zi”, u munduan të shprehin ngushëllimet e tyre në mënyrë të ndjerë. Disa dështuan, duke i kthyer fjalët e ngushëllimit në reklama, duke u përballur kështu me zemërimin e internetit.
Me rrjetin e mediave sociale që tani përbën një pjesë të madhe të skemës së marketingut të brandeve të mëdha, reagimet ndaj lajmeve të një impakti të tillë janë kyçe.
Por dy kompani dështuan kaq keq në cicërimëat e tyre, saqë ato u fshinë nga llogaritë e tyre në Twitter. Ja cilat brande e përdorën imazhin e të ndjerit Prince për vetëpromovim:
1. Cheerios
Marka e çerealeve i tregoi botës se asaj “ia ndjente” për vdekjen e Prince me vendosjen e kujdesshme të produktit të tyre dhe një titulli të thjeshtë #prince.
Cicërima u fshi pasi fansat filluan të talleshin me markën dhe ta fajësonin për përdorimin e vdekjes së këngëtarit në avantazhin e tyre.
Një reagim nga njëri prej fansave përmbante këtë tekst: “Imagjino të të dërgojë Cheerios këtë pas vdekjes së babit tënd.”
2. Hamburger Helper
Një cicërimë nga Hamburger Helper, një markë amerikane e paketimit të ushqimit, gjithashtu u fshi pasi marka vendosi maskotën e saj në tekstin e dedikuar.
Duke komentuar për cicërimat e Cheerios dhe Hamburger, Alfred Maskeroni, dizenjator dhe contributor në AdWeek, tha se të dyja reklamat vuanin nga “një prezencë e madhe e markës.”
“Postimi i Cheerios duket si një reklamë, dhe Hamburger Helper postoi në mënyrë të shpenguar dhe të pavend maskotën e brandit në tekst,” ka shkruar Maskeroni në AdWeek.
3. 3M dhe logo e TV
Kompania 3M, një firmë shkencore globale e njohur më parë si Minnesota Mining and Manufacturing Company, i bëri gjërat e thjeshta. Ajo cicëroi logon e saj të ngjyrosur në violet dhe shtoi një lot.
E njëjta gjë ndodhi edhe me logon e TV-së.
4. Getty Images
Getty Images, një agjenci fotosh, postoi një foto të Prince por shtoi gjithashtu një link për fotot e këngëtarit të disponueshme për shitje në website-in e saj.
Përdoruesit nuk ishin të lumtur me vetëpromovimin e Getty dhe thanë se agjencia e fotove “po nxirrte fitime mbi vdekjen” duke përdorur Prince “për të shitur disa fotografi.”
5. Lenovo
Lenovo, një kompani teknologjike kineze, nuk postoi logon e saj ose ndonjë foto. Ajo më mirë se të bënte këtë, krahasoi vlerat e kompanisë me ato të Prince.
6. Pornhub
Website pornografik jo vetëm që postoi foto por gjithashtu ndryshoi logon e tij. E përshtatshme?
“Si një markë me origjinë nga Minnesota, Cheerios kërkonte të bashkohej në humbjen e muzikantit legjendar të qytetit tonë. Por shpejt vendosëm se nuk donim që cicërima të keqinterpretohej, dhe e hoqëm për respekt të Prince dhe zisë,” është shprehur në lidhje me postimin një zëdhënës për pronarin e Cheerios, General Mills, raporton “Independent”.
Një zëdhënës për kompaninë 3M tha se ata krijuan një “një vepër të veçantë arti” për të njohur arritjet e ikonës legjendare të Minnesotas, “Ne e përdorëm veprën e artit në disa prej kanaleve të mediave tona sociale vetëm gjatë ditës së Enjte,” ka thënë kompania 3M.
Që nga viti 2015 nxisim shpirtin sipërmarrës, inovacionin dhe rritjen personale duke ndikuar në zhvillimin e një mjedisi motivues dhe pozitiv tek lexuesit tanë. Mbështetja juaj na ndihmon ta vazhdojmë këtë mision.
Na Suporto